اسلام آباد۔9مئی(اے پی پی):چیئرمین سینیٹ یوسف رضا گیلانی آکھیے 9 مئی پاکستان دی تاریخ دا سیاہ ݙینھ اے ، مہذب معاشریں اچ ایں قسم دے واقعات دی کوئی گنجائش کائنی ،افواج پاکستان دی قربانیاں کوں خراج عقیدت پیش کریندوں ۔ سانحہ9 مئی دے حوالے نال آپݨے سنھیے اچ چیئرمین سینیٹ آکھیے 9 مئی دے شرانگیز واقعات، بھن تروڑ جناح ہاؤس سودھے اہم حساس تنصیبات تے حملیں دی شدید الفاظ اچ مذمت کریندوں ۔ انہاں آکھیے مہذب معاشریں اچ ایں قسم دے واقعات دی کوئی گنجائش کائنی ۔ نو مئی دا سانحہ ھک سیاہ ݙینھ ہئی جݙاں قومی نوعیت دی اہم ترین تنصیبات، عمارتاں کوں بھن تروڑ دا نشانہ بݨایا ڳیا ، شہدا دے مجسمیں اتے یادگاراں کوں ضیان پڄایا ڳئے۔ انہاں آکھیے ساریں توں ودھ تے اے جو عوام اتے اداریں کوں آپت اچ لڑاوݨ دی کوشش کیتی ڳئی۔ شہدا ساݙے قومی ہیروز ہن تے ہر پاکستانی دے دل اچ انہاں سانڳے احترام تے محبت اے ۔
.jpg)
