اسلام آباد۔30اپریل (اے پی پی):وفاقی وزیر ترقی، منصوبہ بندی ،اصلاحات ،خصوصی قدامات و بین الصوبائی رابطہ پروفیسر احسن اقبال بورڈ آف انویسٹمنٹ کوں بنگلہ دیش، ہندوستان، ویتنام، کمبوڈیا تے تھائی لینڈ اچ قائم خصوصی اقتصادی زونز دا تحقیقاتی مطالعہ کرݨ دی ہدایت کریندے ہوئیں آکھیے جو خصوصی اقتصادی زونز اچ سستی بجلی ݙیوݨ یقینی بݨاوݨ سانڳے اقدامات دی لوڑھ اے ۔ انہاں ملکاں دی طرفوں غیر ملکی سرمایہ کار کمپنیاں کوں ݙتی ونجݨ آلی سہولتاں تے مراعات دا جائزہ گھنݨ تے انہاں دے کامیاب تجربیں توں سکھݨ دی لوڑھ اے ۔ وزارت تجارت پاکستان دی برآمدات کوں 30 ارب ڈالر توں 100ارب ڈالر تئیں پڄاوݨ سانڳے منصوبہ بݨاوے۔ اے ڳالھ انہاں چینی سرمایہ کاری دے منصوبیں دے کابینہ کمیٹی دے پہلے اجلاس توں خطاب اچ آکھی اے ۔کابینہ دی مذکورہ کمیٹی اچ 9 وفاقی وزراء شامل ہن تے کمیٹی چینی کمپنیاں دی طرفوں سرمایہ کاری دے منصوبیں تے پیشرفت دی نگرانی ،سی پیک دے اہتمام نال زیر تکمیل سست رفتار منصوبیں کوں فعال کرݨ،چینی شہریاں دے حفاظتی اقدامات دا جائزہ گھنݨ دے حوالے نال کردار ادا کرݨا ہوسی ۔
.jpg)
