اسلام آباد۔14مارچ (اے پی پی) وزیراعظم دے معاون خصوصی برائے سیاسی ابلاغ ڈاکٹر شہباز گل آکھیا جو وزیراعظم عمران خان ایمانداری نال سیاست کریندے پئن، پاکستان کوں ہک خوشحال اتے پھلدا پھولدا ملک ٻݨاوݨ کیتے آپݨی لگن اتے دیانت دی قیمت ݙیندے پئن۔ اے ڳالھیں انہاں سنوار کوں اوورسیز کنونشن نال خطاب کریندیں ہوئیں آکھی۔ انہاں آکھیا جو سیاست کوں ایمانداری نال کرݨ ٻہوں اوکھا اے، میں وزیراعظم عمران خان کوں آپݨے ملک کیتے آپݨی ایمانداری اتے لگن دی قیمت ݙیندیں ݙیکھداں پیاں۔ جئیں ویلھے تساں کہیں چیز تے ایمانداری نال عملدرآمد کریندن تاں اے تساݙی طاقت کوں نشابر کریندے اتے او میں عمران خان ݙیکھداں پیاں۔ انہاں آکھیا جو ہک چنڳا کپتان کݙاہیں وی گندی ٹیم نی چݨ سڳدا۔ ڈاکٹر شہباز گل ، 2013 اچ پاکستان مسلم لیگ (ن) دے قائد نواز شریف دی کابینہ اچ شامل نانواں دی یاد ݙویندیں ہوئیں آکھیا جو خواجہ آصف جیڑھے او کابینہ دا حصہ ہن انہاں دا ناں یو اے ای دی کمپنی، سیالکوٹ دی جعلی ہاؤسنگ سوسائٹی، جعلی چاولاں دے کاروبار اتے کالا دھن ٻݨاوݨ اچ شامل ہئی۔
.jpg)
