اسلام آباد 21 مئي (اے پي پي) وزيراعظم محمد شهباز شريف المان سره د دوه اړخيزه تجارت او سرمايه کارۍ ته د ودې وركولو په ضرورت زور رواړلو سره وئيلي دي پاكستان كښې د المان په سرمايه كارۍ كښې د اضافې پراخه امكانات موجود دي، د دواړو هېوادونو ترمېنځه د متبادل توان، صنعت، معدنيات، آئي ټي، زراعت او په نورو څانګو كښې د مرستې زياتولو عزم لرو ۔ د دې خيالاتو څرګندونه ده د المان اېن جي او ګلوبل برېجز٬ برلن پلاوي سره په خبرو كښې كړې چا چې د نهې په ورځ دوي سره ملاقات كولو ۔ په پلاوي كښې د ګلوبل بريجز د بورډ آف ډائريکټرز چيئرمېن هېنس ايلبرټ، چيف اېګزيکټو آفيسر نکولس البرچټ او د المان كاروباري كسانو او سرمايه كار شامل وو۔ ملاقات كښې پاكستان كښې د المان سفير الفريډ ګرينيس، د تجارت وفاقي وزير جام کمال خان ، د صنعت او پېداوار وفاقي وزير رانا تنوير حسېن ، د اطلاعات او خپرونو وفاقي وزير عطاء الله تارړ، د انفارميشن ټيکنالوجي او ټيلي کام دوهمه وزيره شزا فاطمه او اړوند لوړ پوري هم موجود وو۔ پلاوي پاكستان كښې د کاربن کريډټ مارکيټ٬ د موسمياتي بدلون او د زراعت په څانګو كښې په سرمايه كارۍ كښې د خوښۍ څرګندونه وكړه۔ وزيراعظم ووئيل پاکستان المان سره خپلو اړيكو ته د قدر په نظر ګوري، پاکستان المان په اروپا كښې خپل يو مهم شراكتدار ګڼي۔ وزيراعظم ووئيل د دوه اړخيزه تجارت او سرمايه كارۍ موجوده كچې ته لا پراختيا وركول غواړو۔ وزيراعظم ووئيل پاكستان كښې د المان په سرمايه كارۍ كښې د اضافې پراخه امكانات موجود دي، د دواړو هېوادونو ترمېنځه د متبادل توان، صنعت، معدنيات، آئي ټي، زراعت او په نورو څانګو كښې د مرستې زياتولو عزم لرو ، ده ووئېل پاکستان څخه د کاربن د اخراج شرح ډېره كمه ده او د دې باوجود پاكستان د ماحولياتي بدلون اثرات څخه تر ټولو زيات ځپلو هېوادونو كښې يو دے، متبادل توان ،موسمياتي بدلون ، زراعت او د غذائي تحفظ په لړ كښې د المان تجربې څخه ګټه پورته كول غواړو، پاکستان افرادي قوت ته د معياري تربيې وركولو او د دوي په استعداد كښې اضافه كوي دغسې چې دوي بهر هېواد كښې خپل هنر وړاندې كړې شي۔ وزيراعظم په ملاقات كښې پلاوي سره په المانۍ ژبه خبرې وكړې او په دې د پلاوي غړي حېران پاتې شول او وزيراعظم ته د داد وركولو نه غېر پاتې نه شول۔ د المان پلاوي مشر په المانۍ ژبه په خبرو كولو د وزيراعظم مننه وكړه۔
