اسلام آباد 29 جنوري (اے پي پي) پاكستان او ایران په شريكو چیلنجونو قابو موندلو لپاره اجتماعي نقطه نظر خپلولو سره د سلامتیا، سيمه ايز استحكام، تجارت او د معیشت په څانګو كښې شريكو مقاصدو لپاره مرستي لا زياتولو ته اتفاق كړے ۔ نګران خارجه وزیر جلیل عباس جیلانی د ایران خپل همڅنګ حسین امیر عبداللهیان سره د ګل په ورځ شريك خبري كنفرنس ته وينا كښې ووئيل پاكستان او ایران دواړو هېوادونو د وړاندې څخه قوي اداره جاتی میكانزم په بشپړ ډول كارولو او د ترهه ګرۍ مخنيوي لپاره اجتماعي او په شريكه مرسته اډانه نقطه نظر خپلولو ته اتفاق كړے ۔ده ووئيل دواړو ډلو منلې چې نزدې دوه اړخيزه اړيكې نه يواځې د دواړو هېوادونو د اولس بلكه شريكي سوكالۍ او پرمختګ له ضروري دي او دا د سيمې د استحكام يوه مهمه ذريعه ده۔ده ووئيل د ملاقات په مهال ډلو د دواړو هېوادونو د خارجه وزيرانو په كچه اعلیٰ سطحی مشاورتي میكنزم جوړولو ته هم اتفاق كړے ، دا اعلیٰ سطحی میكانزم به د ایران او پاكستان دواړو هېوادونو كښې د شريكې مرستي په بيلو څانګو كښې د پیشرفت په مستقل بنیادونو جاج اخلي۔خارجه وزير د ترهه ګرۍ په اړه د يو بل تحفظات لرې كولو په حاجت زور راوړلو سره ووئيل په دې لړ كښې د دواړو ډلو د رابطه افسرانو په تعیناتۍ هم صلاح يوه شوې، دا رابطه افسران به تربت او زاهدان كښې تعیناتولې شي۔خارجه وزير جلیل عباس جیلانی ووئيل د ايران خارجه وزير د پاكستان دوره د دوه اړخيزه اړيكو لا قوي كولو لپاره زمونږ د ژور عزم ثبوت دے۔ د ملاقات په مهال ده ووئيل د سيمه ايزي سلامتيا احترام د دوه اړخيزه مرستې بنیادی اصول دي ۔ده ووئيل د ملاقات په مهال د دواړو هېوادونو سرحدی سيمو اقتصادی پرمختګ ته پام لرني كولو ته هم اتفاق راغلے او د پاتې 5 سرحدي ماركیټونو په تندۍ سره فعالولو ته ه صلاح يو او دا سرحدی ماركیټونه به ډير زر كار پيل كړي۔په دې موقع د ایران خارجه وزير حسین امیر عبداللهیان ووئيل ایران او پاكستان عظیم جغرافیائي ، تاریخي او كلتوري اقدار لري،كه مونږ د پاكستان او ایران په تاریخ نظر واچوو نو د دواړو هېوادونو ترمينځه چري هم سيمه ايز اختلافات یا د سرحدي مسئلو كومه پېښه نه ده رامخې ته شوې او دا زمونږ د ملګرتيا د اړيكو ښكاره ثبوت دے۔ ده ووئيل ایران پاكستان خپل ورور ، ګاونډي او ملګرے هېواد ګڼي، دواړه هېوادونه د يو بل د سيمه ايزي سلامتيا بشپړ احترام كوي۔ده ووئيل دې خبرې ته صلاح راغلې چې دواړه هېوادونه به ترهه ګرو له د پولي سلامتیا خطر سره مخ كولو اجازه ورنه كړي۔ مونږ ټولو ترهه ګرو ته وايو چې مونږ (ایران او پاكستان) خپله شريكه سلامتیا په خطر كښې د اچولو كومه موقع چا له نه شو وركولې۔ده ووئيل په دې كښې څه شك نشته چې د دواړو هېوادونو سرحدي سيمو كښې موجودو ترهه ګرو ته د دريم هېواد مرسته ترلاسه ده ۔د ایران خارجه وزير ووئيل ملاقات كښې د دواړو هېوادونو د اعلیٰ پائې پلاويو په ګډه دې خبري ته اتفاق كړے چې سرحدي سلامتیا، د ترهه ګرۍ په ضد جنګ ، تجارتي او اقتصادي مرستي ته پراختيا وركولو ، سرحدي ماركیټونو پراختيا او د آزاد تجارتي زونز جوړولو په اړه زر تر زره نور اقدامات به كولې شي۔د فلسطین مسئلې په اړه خبره كښې د ايران خارجه وزير د فلسطین اولس لپاره په مرسته د پاكستان موقف وستائلو۔ ده د فلسطین اولس او فلسطینیانو مزاحمت له د روانې مرستې جاري ساتلو په اړه د ایران د عزم پخلے هم وكړو۔د ایران خارجه وزير پاكستان كښې د محفوظو او كامیابو ټولټاكنو كولو لپاره د نيكو هيلو څرګندونه هم وكړه۔د اوسنو پېښو په اړه د يوې پوښتنې په ځواب خارجه وزير جلیل عباس جیلانی ووئيل د ژورو او تاریخي دوه اړخيزه اړيكو په وجه د دواړه ډلو غلط فهمۍ ډيرې زر لرې كولو كښې بريالې شوې يو۔ده ووئيل پاكستان د ایران صدر له د پاكستان دورې بلنه هم وركړې۔ده هيله څرګنده كړه چې د ایران صدر د پاكستان دوره د ټولټاكنو نه پس څه وخت هم كيدې شي۔
