اسلام آباد ۔ 16 جنوری (اے پی پی)سپیکر قومی اسمبلی حکومت کوں ہدایت کیتی اے جو جیرھے وزارت دے سوال ایوان اچ زیر بحث آونڑیں ہوون اوں متعلقہ وزیر دی موجودگی ہر صورت یقینی بنڑائی ونجے ۔ بدھ کوں قومی اسمبلی دے اجلاس دے آغاز تے سید خورشید شاہ آکھیا جو سپیکر دے شکر گزار ہوں اساں کل جیرھی گال کیتی تساں اوندے بعد اجلاس مقررہ وقت تے شروع کیتا ،وزیراں دی ذمے واری ہوندی جو او ایوان اچ جواب ڈیون ۔ سپیکر وزیر انسانی حقوق کوں ہدایت کیتی جو جیں وزیر دا بزنس وقفہ سوالات اچ ہووے ایندی اتھاں موجودگی یقینی بنڑاون ۔ محمد ہاشم دے سوال دے جواب اچ علی محمد خان آکھیا جو وزارت ہوا بازی ولوں بریفنگ کائنی ڈتی گی۔ اسد قیصر آکھیا نہ جواب اے نہ بریفنگ آئی اے۔ شیریں مزاری آکھیا اساڈی ہک بریفنگ ہئی ایں سانگے اج دیر تھئی اے اگی تے اینویں کائناں تھیسی ۔ حکومت دے نال اپوزیشن دے ارکان وی کائنی ۔ وزیراں کوں اتھاں موجود ہوونڑاں چاہیدے ۔
