اسلام آباد 27فروری(اے پی پی)د تجارت او صنعت وفاقي وزير ډاكټر ګوهر اعجاز وئېلي دي پاكستان او سعودي عرب د تېل٬ګاز٬تعميرات٬خوراك او كركېلې په اړه سرمايه كارۍ زياتولو ته صلاح شوي او سعودي وزيرانو د پاكستان سره د تجارتي اړيكو قوي كولو باور راكړے۔د نهې په ورځ د تجارت او صنعت وزارت لخوا جاري بيان له مخې د تجارت او صنعت وزير ډاكټر ګوهر اعجاز د سعودي عرب دورې بشپړولو نه پس اسلام آباد ته رارسېدلے ۔د تجارت وزير سره 20 كسيزه د پاكستانو صنعتكارو پلاوي هم ملګرے ؤ ۔چارواكو له مخې ده په رياض كښې د سعودي عرب د سرمايه كارۍ وزير خالد الفليح او د تجارت وزير ماجد الكسبي سره ملاقات كړے۔ده د سعودي وزيرانو سره د پلاوي په كچه خبرې اترې كړي۔چارواكو وئېلي دي د ملاقاتونو په مهال د پاكستان او سعودي عرب ترمينځه د سرمايه كارۍ په زياتولو د خيالاتو څرګندونه شوې۔ګوهر اعجاز د سعودي عرب دورې په اړه وئېلي دي زما دا دوره ډېره ګټوره پاتې شوې٬د دواړو هېوادونو ترمينځه دوه اړخيزه تجارت او د سرمايه كارۍ زياتولو ضرورت دے٬د سعودي عرب وزيرانو د پاكستان سره د تجارتي اړيكو قوي كولو باور راكړے۔۔
