پېندۍ ۔11 فروری (اے پی پی) د خېبر پښتونخوا په خېبرایجنسۍ کښې امنیتي ځواکونو د عملیاتو په ترڅ کښې د داعش تر ټولو زيات مطلوب ترهګر سورت ګل عرف سیف وژلے دے۔ د اتوار په ورځ د آئي اېس پي آر لخوا د جاري شوي بيان له مخې امنيتي ځواکونو په خيبر ضلع کښې د استخباراتي معلوماتو په اساس د يو لوړ پوړي ترهګر د موجوديت په اطلاع عمليات وکړل د كوم په مهال چې د ډزو په تبادله كښې زيات مطلوب ترهكر سورت ګل عرف سيف ووژلے شو۔ وژلي شوي ترهګر قوماندان څخه وسله او ګوله بارود ترلاسه شوي۔ دا ترهګر د بې ګناه وګړو په هدفي وژنو، قلنګ اخستو او د ترهګرۍ په نورو فعاليتونو کښې ككړ وو۔ دے د قانون نافذ كوؤنكو ادارو ته زيات مطلوبوو۔ په سیمه کښې د نورو ترهګرو د شتون درك لګولو له عمليات وكړې شول۔ بلخوا د سیمې خلکو د عملیاتو ستاینه كولو سره د ترهګرۍ لعنت په ختمولو كښې د خپل اړخه د همكارۍ څرګندونه وكړه۔
