اسلام آباد 20 جون (اے پي پي(صدر مملكت ډاكټر عارف علوي تجارت ته وده وركولو له اقتصادي سفارتكارۍ پلو د خصوصي پام ګرځولو په حاجت زور راوړولو سره وئېلي دي چې برآمدات او غېر ملكي سرمايه كاري زياتولو سره پاكستان په معاشي چېلنجونو قابو موندلې شي۔ د ايوان صدر پرېس ونګ څخه د نهې په ورځ د جاري شوي بيان له مخې صدر مملكت د دې خيالاتو څرګندونه ډنمارك او روانډا لپاره د پاكستان نومولې شويو سفيرانو سره د ملاقات په مهال خپلو خبرو كښې وكړه۔ صدر مملكت ووئيل چې نومولې شوي سفيران دې د هېواد برآمدات زياتولو لپاره اقتصادي سفارتكارۍ ته خاص پام وكړي۔ صدر مملكت ووئيل چې د ډېري او كركيلې په څانګو كښې سرمايه كارۍ لپاره د ډنمارك كمپنو ته بلنه وركولې كېدې شي٬ دغسې انفارمېشن ټېكنالوجي هم همكاري زياتولو لپاره يوه مهمه څانګه ده۔ ده ووئيل چې نومولې شوي سفير دې د ډنمارك هوائي توان كمپنۍ له په پاكستان كښې د سرمايه كارۍ كولو بلنه وركړي۔ دغسې نومولې شوې سفير دې د تجديد وړ توان په څانګه كښې د مرستې لا پراخا كولو لپاره كار وكړي۔ صدر مملكت هيله څرګنده كړه چې په وزارتي كچه د اوسنو تبادلو څخه به د دواړو هېوادونو ترمينځه ګټه ورې اړيكې لا قوي شي۔ صدر مملكت ډاكټر عارف علوي سره روانډا لپاره د پاكستان نومولې شوي هائي كمشنر نعيم الله خان هم ملاقات وكړو۔په دې موقع صدر مملكت خپلو خبرو كښې ووئيل چې پاكستان روانډا سره اړيكو ته ډېر اهميت وركوي٬دواړه هېوادونه يو بل سره ښې اړيكې لري۔صدر ووئيل چې د كركيلې٬د خوراك تحفظ او بشري وسائلو په څانګه كښې د مرستې لا پراخا كولو امكانات شتون لري۔ صدر مملكت ووئيل چې نومولې شوې سفير دې درآمد كوؤنكو او برآمد كوؤنكو سره مرسته كولو سره تجارتي اړيكې لا پياوړې كړي۔ صدر مملكت ووئيل نومولې شوې سفير دې پاكستاني ماركيټ ته رسېدو لپاره د روانډا كاروباري شخصياتو سره تماس ونيسي۔ صدر مملكت دواړو سفيرانو ته په مقبوضه جمو كشمير كښې د روانو ظلمونو او بشري حقونو خلاف ورزو رامخې ته كولو هم هدايت وكړو۔
