اسلام آباد 16 جون (اے پي پي) د خزاني وزیر مملکت ډاکټر عائشه غوث پاشا وئيلي دي چې د سندھ د سېلاب ځپليو د بحالۍ او بيا ودانۍ په چارو پی ډی اېم اے کار كوي، وفاقی حکومت د صوبائی حکومت سره په ګډه د دې معاملي جاج اخلي۔ د پیپلز ګوند د قامي اسمبلۍ غړي سید غلام مصطفی شاه ووئيل د وزیراعظم د سندھ سېلاب ځپليو بحالۍ لپاره د 100 اربه روپو لوظ دې پوره كړې شي۔ د جمعي په وځ د قامی اسمبلۍ په غونډه كښې د سید غلام مصطفی شاه د اړخه د پورته كړې شويو نکتو په ځواب كښې د خزاني وزیر مملکت عائشه غوث پاشا ووئيل دا خبره نوټ كړې شوه۔ دي ووئيل د سېلاب ځپليو بحالۍ سره په اړوندو چارو پی ډی اېم اے کار كوي، دا د صوبائی حکومت ذمه واري ده بيا هم مونږ به د صوبائی حکومت سره په ګډه د دې معاملي جاج اخلو۔دې څخه وړاندې سید غلام مصطفی شاه خپل بجټ تقریر كښې ووئيل د اتحادی حکومت شراکت دار يو، وزیراعظم د سېلاب ځپليو لپاره د 100 اربه روپو اعلان کړې ؤ، بے نظیر انکم سپورټ پروګرام څخه وګړو ته د ژوند تيرولو لپاره روپۍ ترلاسه كېږي، د وزیراعظم اعلان کړې شوي روپۍ د سېلاب ځپليو لپاره وي ، دغه لوظ دې وپاللې شي
