اسلام آباد۔7 دسمبر(اے پی پی) د سېنېټ د سائنس او ټېكنالوجۍ قائمه كمېټۍ غونډه سبا د زيارت په ورځ د دسمبر په 8 مه نېټه كېږي۔ د سېنېټ سېكرټرېټ له مخې د پاكستان سائنس فاؤنډېشن چيئرمېن به په سټم پراجېكټ د عملدرآمد په اړه ګډون كوؤنكو ته بريفنګ وركوي۔ د كامسېټس رېكټر به غونډه د تېرې غونډې په سفارشاتو د شوي پېشرفت په اړه خبروي۔ د سائنس او ټېكنالوجي ذېلي ادارې پكرټ چارواكو لخوا به د ادارې د 5 كالو كار ٬ كاميابو او كاركردګۍ سره سره د بېلو منصوبو په شمول د نورو چارو په اړه بريفنګ وركولے شي۔ د سېنېټ د سائنس او ټېكنالوجۍ قائمه كمېټۍ دا غونډه به د كمېټۍ چيئرمېن سردار شفيق ترين په مشرۍ كښې په پارليمنټ هاؤس اسلام آباد كښې كېږي۔ غونډه كښې به د سائنس او ټېكنالوجي وفاقي وزير په شمول د كمېټۍ غړي او اړوند چارواكي ګډون كوي۔ دا خبره دې ښكاره وي چې اېس ټي اي اېم پاكستان كښې د سائنس ٬ ټېكنالوجي ٬ انجينئرنګ او ميتھ زده كړو ته د ودې وركولو نوے پروګرام دے۔
