اسلام آباد 02 دسمبر (اے پي پي) د منصوبه بندۍ او پرمختګ وفاقي وزير احسن اقبال د استاذانو تربيې لپاره اسلام اباد كښې د جديد ترين ټيچر ټرېننګ انسټي ټيوټ جوړولو له تعليمي پوهانو څخه وړاندېزونه غوښتې دي،دا منصوبه به صوبو لپاره يو ماډل وي۔ د دې خيالاتو څرګندونه ده د وزارت تر سېوري لاندې د ګول مېز كنفرنس مشرۍ په مهال كړې٬ په دې موقع د تعليم پوهانو د خپلو رائيو څخه وفاقي وزير خبر كړو٬ په ګول مېز كنفرنس كښې د تعليم څانګې يو شمېر پوهانو ګډون كولو۔ په دې موقع وفاقي وزير ووئيل په تېرو 50 كالو كښې په تعليمي او تدريسي انداز كښې بدلون نه راغلے او پاکستان په علم آډانه معيشت جوړولو لپاره د تعليم نظام بېخي بدلولو ته اړتيا لير۔ ده ووئيل نصاب بدلولو سره د استاذانو د تربيې نظام سمول هم ضروري دے او په دې لړ كښې د استاذانو د تربيې په اسلام آباد كښې دا ټرېننګ انسټيټيوټ به صوبو لپاره ماډل ثابت شي چرته چې به استاذانو ته تربيه وركولې شي۔ ده څلورو مهمو څيزونو ته په سمدستي توګه د پام كولو په ضرورت زور رواړلو چې پكښې نصابي اصلاحات٬ د استاذانو تربيه٬ ازموئنې او د مدرسو اصلاحات شامل دي۔ وفاقي وزير په دې خبره زور رواړو چې د مدرسو زده كوٶنكي دې په قامي چوكاټ كښې شامل كړے شي او دوي ته دې د سائنس مضمونونه وښودلے شي۔ ده ووئيل د منصوبه بندۍ وزارت د سباون پرمختګ لپاره په تعليم كښې اصلاحات كنجي ګڼي
