اسلام آباد 02 نومبر (اے پي پي) د قامي اسمبلۍ سپيکر راجه پرويز اشرف د قامي اسمبلۍ غړې او پارليماني سيکرټري مهناز اکبر عزيز په مشرۍ كښې د ماشومانو حقونو په اړه چائلډ رائټس پارليماني کاکس جوړ كړے ۔د قامي اسمبلۍ سيکرټريټ له مخې پارليماني کاکس كښې د منهاز اکبر عزيز نه علاوه د قامي اسمبلۍ غړې شزا فاطمه خواجه، محسن شاه نواز رانجھا ، سعد وسيم، ناز بلوچ، قادر خان مندوخيل ، آسيه عظيم، ډاکټر محمّد افضل خان ډھانډله، محمد ابوبکر، شاهده اختر علي او محسن داوړ شامل دي۔د ماشومانو حقونو په اړه پارليماني کاکس د قامي اسمبلۍ په 20م اکتوبر غونډه كښې متفقه توګه منظور شوې قراردار په رڼا كښې جوړ شوے۔ ياد شوے قرارداد ماشومانو ته د بنيادي حقونو باوري كولو لپاره منظور شوے ؤ۔ قرارداد د قامي اسمبلۍ غړې او پارليماني سيکرټري مهناز اکبر عزيز وړاندې كړے ؤ۔ د قامي اسمبلۍ سيکرټريټ د اړخه په دې لړ كښې باقاعده نوټيفکيشن جاري کړے شوے۔
