اسلام آباد 16 مئي (اے پي پي) د اطلاعاتو او خپرونو وفاقي وزير چوهدري فواد حسېن د اے اېن پي لارښود عبدالولي خان د مېرمن بېګم نسيم ولي خان په مړينه خواشيني ښودلې. د اتوار په ورځ د غمرازې په بيان كښې وفاقي وزير ووئيل چې ارواښاده يوه نامتو سياسي مشره وه كومې چې د خپل خاوند په ګرفتارۍ په سياست كښې قدم ايښے و. هغې په سياست كښې ځانګړې مقام ترلاسه كړو او په عوامي سياست كښې ئې مېرمنو ته اواز وركړو. هغه د خېبر پښتونخوا څخه د وړومبې مېرمن غړې په حېث ټاكل شوې وه. وفاقي وزير د ارواښادې كورنۍ سره غمرازي وكړه. ده دعا وكړه چې لوي څښتن دې ارواښادې ته د خپل رحم په پلو كښې ځائ او غم جنې كورنۍ ته د زغم توفيق وركړي.
