اسلام آباد 03 اپرېل (اے پي پي) وزیراعظم عمران خان وئيلي دي د ګاز په غلا كښې معاونت كوٶنكې د ګاز كمپنو اهلكارو په ضد سخته كاروائي وكړئ ٬ د غېر قانوني كنكشنز په ضد كرېك ډاٶن او په نظام كښې د زيان شرح او د دغې په نتيجه كښې د اولس بې وجه بوجه د نه زغملو وړ دے۔ د شور وپه ورځ د وزیراعظم عمران خان په مشرۍ كښې د ګاز ضياع مخنيو پحقله غونډه وشوه۔ په غونډه كښې د خزانې وزير اسد عمر ٬ د پټروليم وزير غلام سرور خان، د اطلاعات وزير چوهدری فواد حسېن، د خزانې٬ پټروليم سېكتران٬ د سوئي ناردرن اېم ډي ٬ د سوئي سدرن اېم ډي او نورو چارواكو ګډون وكړو۔ په دې موقع وزيراعطم ته ووئيل شول دا مهال د ګاز ضياع (يو اېف جي) د سوئي ناردرن په نظام كښې نزدې 11 فيصده او د سوئي سدرن په نظام كښې 16 فيصده نه زيات دے چې ټول ماليت ئې 45 اربه روپو ته نزدې دے٬ په دې ضياع كښې د ګاز غلا ٬ ليكج او نور وجوهات شامل دي۔ د زيانونو تفصيلات بيانولو سره وزیراعظم ته ووئيل شول 19 اربه روپۍ د غلا په مد كښې ٬ 11.25 اربه روپۍ د ليكج او نزدې 14 فيصده د كلن زيان او نورو وجوهاتو له امله رامخې ته كېږي ۔ د پټروليم سېكتر لخوا د ګاز په ضياع د قابو موندلو په لړ كښې په پورته كړې شوو اقداماتو تفصيلي بريفنګ وركړې شو ۔ په دې موقع وزیراعظم عمران خان ووئيل د ګاز په نظام د هر ډول زيان بوجه اولس ته رسيږي ٬د نظام خامۍ او د انتظامي بې غورو نتيجه د ګاز بيعه كښې اضافه او په مصرف كوٶنكو د بوجه په صورت رامخې ته كېږي ۔ ده ووئيل په نظام كښې موجود د زيان شرح او د دغې په نتيجه كښې د اولس بې وجه بوجه د نه قبلېدو وړ دے٬ ده ووئېل په دې زيان قابو موندلو لپاره دې هر ډول ممكنه هڅې وكړې شي۔ په ځينې ځايونو د ګاز مېن لائن څخه په غېر قانوني توګه د كنكشنز او د دغې غېر قانوني كاروائۍ په نتيجه كښې په لويه كچه د كومې هم ممكنه پېښې په اندېښنه د تشويش څرګندونه كولو سره وزيراعظم ووئيل د ګاز په غلا كښې معاونت كوٶنكې د ګاز كمپنو اهلكارو په ضد دې سخته كاروائي او د غېر قانوني كنكشنز په ضد كرېك ډاٶن وكړې شي
