اسلام آباد 12 مارچ (اے پي پي) د اطلاعات او خپرونو فاقي وزير چوهدري فواد حسېن وئيلي دي وزیراعظم عمران خان به (سبا) ترکیې، چین او د ماليزيا پشمول 5 هېوادونو لپاره د ويزه فري پراجېكټ پرانسته كوي٬ بل پړاٶ كښې به 55 هېوادونو ته په هوائي مېدان د ويزې آسانۍ وركولې شي٬ ترکیه او پاکستان قوي اړيكې لري٬ د نړيوالي ميډيا پاكستان ته واپسي خوشبينه ده٬ د پاكستان حکومت نړيوالو خبريالانو لپاره ويزه پاليسي ښه كړې او خبريالانو لپاره ويزه پاليسي هم معرفي كوٶ٬ د پلوامه پېښې نه پس د پاكستان د بيانيې په نړيواله ميډيا ډاډګيرنه شوې، حکومت اے پي پي په بشپړه توګه جديد ډيجيټل سروس ته منتقل كوي٬ پاكستان يو سوله ايز او ښكلے هېواد دے او هېواد كښې د سېلګرۍ ودې لپاره د سېلګرۍ په نوې پاليسۍ كار روان دې۔ د نهې په ورځ د تركيې سركاري خبري اژانس اناطوليه (اے اے) په اسلام آباد كښې د دفتر پرانستې دستورې ته خپلې وېنا كښې وفاقي وزير چوهدري فواد حسېن ووئيل مونږ پاكستان كښې د اناطوليه نيوز اېجنسۍ د سميه ايز دفتر هركلے كوٶ٬ دواړه هېوادونه قوي اړيكې لري او د خبري اژانس د لارې د ميډيا په څانګو كښې به لا مرسته زياته شي۔ ده ووئيل د اېجنسۍ 41م بېورو آفس پاكستان كښې پرانستلې شوې۔ ده ووئيل د تركيې حكومت لكه د پخوا غوندې د پاكهند تاو تريخوالي كښې هم د پاكستان د بيانيې ملاتړ كړې ۔ ده ووئيل د نيمې وچې مسلمانانو تل تركيې سره ملګرتيا كړې ٬ وخت سره سره دوه اړخيزه اړيكې لا قوي شوې۔ ده ووئيل د پاكستان حکومت نړيوالو خبريالانو لپاره ويزه پاليسي ښه كړې او خبريالانو لپاره ويزه پاليسي معرفي كوٶ۔ ده ووئيل پاكستان يو سوله ايز او ښكلے هېواد دے او هېواد كښې د سېلګرۍ ودې لپاره د سېلګرۍ په نوې پاليسۍ كار روان دې۔ د اطلاعات وزير ووئېل د نړيوالې ميديا او سېلګرو پاكستان كښې هركلے كوٶ او دوي ته به ټولې اسانۍ وركولې شي۔ ده ووئيل وزیراعظم عمران خان به (سبا) د زيارت په ورځ ترکیې، چین او د ماليزيا پشمول 5 هېوادونو لپاره د ويزه فري پراجېكټ پرانسته كوي۔ وفاقې وزير ووئيل د پاكستان تشخص په نړيواله كچه رامخې ته كول غواړو۔ ده ووئيل حکومت اے پي پي په بشپړه توګه جديد ډيجيټل سروس ته منتقل كوي كوم چې به د حكومت او رياست جديد ډيجيټل سروس وي۔ ده ووئيل په راتلونكي وخت كښې به يوازې د آئيډياز جنګ هم په آئيډياز كولې شي٬ ده ووئيل د مودي کائنیټك وار او جنګی جنون ميډيا هم ناكامه كړې ٬ د ګردې نړۍ ميډيا د پاكستاني ميډيا بيانيه سمه او د هندي ميډيا مسخره ګرځولې۔ د دې نه وړاندې د چوهدري فواد حسېن د تركيې د سركاري نيوز اېجنسۍ اناطوليه (اے اے) په اسلام آباد كښې د دفتر پرانسته وكره او د ادارې پرمختګ لپاره ئې د نېكو هيلو څرګندونه وكړه
