اسلام آباد 30 نومبر(اے پی پی) پېټروليم وفاقي وزيرغلام سرور خان وئېلي دي د تركمانستان سره مونږ د ورورولۍ او ملګرتيا اړېكې لرو ٬دې منطقې لپاره به تاپي منصوبه يو ګيم چينجرز ثابت شي۔ د دې خيالاتو څرګندونه ده پاكستان كښې د تركمانستان سفير عتد جان موولاموف سره ملاقات كښې وكړه۔د ملاقات په مهال وفاقي وزير ووئيل تركمانستان سره مونږ د ورورولۍ او ملګرتيا اړېكې لرو۔دې منطقې لپاره به تاپي منصوبه ګيم چينجر ثابت او په دې لړ كښې به ډېر زر د پېټروليم ډويژن او تاپي پائپ لائن كارپورېشن يو مهم دستاويز لاس ليك كړي۔ده ووئيل د پیټروليم ډويژن وزارت به په هره كچه د تاپي ملاتړ كوي۔په دې مهال د تركمانستان سفير ووئيل د تركمانستان معيشت په تېل او ګاز مشتمل دے۔د تاپي د لارې به پاكستان ته د 1300 ملينه كيوبك فټ ګيس وركولې شي۔ده ووئيل د پائپ لائن منصوبې د لارې به تركمانستان٬پاكستان او هند ته د افغانستان د لارې ګاز وركوي۔په دې مهال د آئي اېس جي اېس سي اېم ډي مبين صولت هم موجود ؤ
