اسلام آباد-14 جون (اي پي پي) سامونڊي طوفان کي نظر ۾ رکندي بجليءَ جي فراهمي کي بحال رکڻ لاءِ خاص ٽيمون جوڙيون ويون آهن. اين ڊي ايم اي ترجمان مطابق اين ٽي ڊي سي جون ٽيمون پنهنجي نيٽ ورڪ جي نگراني لاءِ چار ٽيمون گرڊ اسٽيشن اين ڪي آءِ ڪراچي، گرڊ اسٽيشن جهپمير-1، مٺي ۽ حيدرآباد ۾ 24 ڪلاڪ الرٽ رهندا. 500 ڪي وي ۽ 220 ڪي وي ٽرانسميشن لائنز جي نگراني به ڪئي ويندي. حيسڪو جي 132 ڪي وي ٽرانسميشن لائنز سپلاءِ معطل هئڻ تي معاونت لاءِ به چار ٽيمون جوڙيون ويون آهن. هنگامي صورتحال کي نظر ۾ رکندي اين ٽي ڊي سي جي فيلڊ آفيسرن ۽ عملي جون موڪلون رد ڪيون ويون آهن.
