اسلام آباد– 31 – جنوري (اي پي پي) اطلاعات ۽ نشريات واري وفاقي وزير مريم اورنگزيب چوڌري شجاعت حسين کي فتح تي مبارڪباد ڏيندي چيو آهي ته کانئس (ق) ليگ کسڻ جي شيطاني ذهنيت کي شڪست ملي. پنهنجي ٽوئيٽ ۾ وفاقي وزير مريم اورنگزيب چيو ته اليڪشن ڪميشن جو آرڊر پيغام آهي ته ڊسڪه جي ڌُنڌ ۾ نه، فيصلا آئين ۽ قانون جي روشني ۾ ٿيندا. هن چيو ته جلاءُ، گهيراءُ، ماري ڇڏيو، کڻو، اڇلي ڇڏيو جي شيطاني سوچ ملڪ ۾ مڙهيل نه آهي، هاڻي هر ڪم آئين ۽ قانون موجب ٿيندو.
