بيجنګ 18اکتوبر(اے پی پی)نګران وزيراعظم انوار الحق كاكړ او د چين كميونسټ پارټۍ پولټ بيورو قائمه كمېټۍ غړي او د سي پي سي ډسپلن انسپیکشن مركزي كمېشن سېكرټري لي شي د دواړو هېوادونو ترمينځه د سياسي او اقتصادي اړيكو ودې٬اقتصادي مرستې او په خاص توګه په سي پېك په بشپړه ډول كار كولو ته اتفاق كړے۔ د شورو په ورځ د وزيراعظم مېډيا آفس لخوا جاري شوي بيان له مخې لنډ مهاله وزيراعظم انوار الحق كاكړ د چين كميونسټ پارټۍ پولټ بيورو قائمه كمېټۍ غړي او د سي پي سي ډسپلن انسپیکشن مركزي كمېشن سېكرټري لي شي سره نن د شورو په ورځ په بيجنګ كښې ملاقات كړے۔وزيراعظم لي شي له د چين لخوا د درېم بلټ اينډ روډ فورم په رابللو او هغه ته د پولټ بيورو قائمه كمېټۍ په غړي منتخب كېدو هم مباركي وركړه۔دواړو لارښودو د پاكستان او چين ترمينځه سياسي او اقتصادي اړيكو زياتولو له د عزم پخلے كړے او د دواړو هېوادونو په مهمو چارو ئې د كوم شرط نه بغېر په مرسته اتفاق كړے۔په ملاقات كښې چين په پاكستان كښې د سرمايه كارۍ حجم زياتولو په اقدامات هم د خيالاتو څرګندونه كړې۔په دې څانګو كښې د انفارمېشن او كميونيكېشن ټېكنالوجي٬كان كني او معدنيات٬انفراسټركچر او د زراعت په څانګو كښې په سرمايه كارۍ كښې د اضافې سره سره صنعتي مرستې او د خاص اقتصادي زون تعمير شامل دے۔نګران وزيراعظم انوار الحق كاكړ او لي شي د كرپشن مخ نيوي او د مالي نظم و ضبط په اړهم د خيالاتو څرګندونه وكړه۔وزيراعظم انوار الحق كاكړ لي شي د پاكستان حكومت سپيځلتيا او شراكتي ګورننس لپاره د پورته كړو اقداماتو نه خبر كړو او د چين تجربو څخه مستفيد كېدو له ئې د خوښۍ څرګندونه وكړه
