اسلام آباد۔5اکتوبر(اے پی پی) د اطلاعات او خپرونو نګران وفاقي وزير مرتضی سولنګي د پاكستان او تركيه ترمينځه د میډیا، ډرامې او فلمز پشمول بېلو څانګو كښې همكارۍ ته د لا پراختيا وركولو په حاجت زور راوړلو سره وِئيلي دي فلم او ډرامه په نړيواله كچه د هېواد تشخص ښه كولو كښې مهم كردار ترسره كولې شي٬ پاکستان تركيه سره خپلو اړيكو ته د قدر په سترګه ګوري٬ پاكستان او تركيه تل په سخت وخت كښې د يو بل مرسته كړې ده۔ دا خبره ده د زيارت په ورځ په پاكستان كښی ترك سفير مهمت پچاجی سره خبرو كښې وكړه۔ په ملاقات كښی په تاريخي او د ورورولۍ په دوه اړخيزه اړيكو د خيالاتو څرګندونه وشوه۔ د دواړو ترمينځه د اقتصادي، تجارتي، كلتوري ، سېلګرۍ او په اولسي كچه د تړون په شمول په بېلو څانګو كښې همكارۍ ته د ودې په وركولو موافقت وشو۔ نګران وفاقي وزير په ترکیه كښې په دې وروستيو كښې د بمي چاؤدنې سخته غندنه كولو سره ووئيل د ترهګرۍ دړد مونږ محسوس كړے دے٬ تركيه هم دې دړد سره مخ ده۔ ده ووئيل پاكستان او تركيه مضبوط هېوادونه دي د پاك پروردګار په فضل سره د ترھګرۍ پېښې مونږ كمزورې كولې نه شي۔ په ملاقات كښې د پاكستان او تركيه ترمينځ د میډیا، ډرامې او فلمز په څانګو كښې همكارۍ ته د لا پراختيا وركولو په حاجت زور راوړلے شو۔ وفاقي وزير ووئيل فلم او ډرامه په نړيواله كچه د هېواد تشخص ښه كولو كښې مهم كردار ترسره كولې شي۔ ده ووئيل د دواړو هېوادونو ترمينځه د ميډيا په څانګو كښې همكارۍ ته اړتيا ده۔ په دې موقع ترك سفير ووئيل د پاکستان او تركيه ترمينځه د ابلاغ ذريعو په شمول د ژوند په هره برخه كښې همكاري موجود ده۔ ده ووئيل مونږ پاكستان ته ترك فلمونه راوړل غواړؤ۔ ده ووئيل جمهوريه تركيه خپله 100مه سالګرې لمانځي او مونږ غواړؤ چې پاكستان سره په ګډه دې سره اړوندې دستورې يادګارې جوړې كړؤ۔دغسې ترك سفير په سيمه ايزه همكارۍ كښې د وفاقي وزير خوښي وستائله۔
