جنېوا۔6جولائی(اے پی پی) د قرآن كريم په بې حرمتۍ د او آئي سي ګروپ لخوا د پاكستان په خواست د ملګرو ملتونو په هيومن رائټس كونسل كښې بحث د جولائي په 11 مه نېټه كېږي۔ د او آئي سي لخوا په جاري كړې شوي ټويټ كښې وئيلې شوي دي چې هیومن رائټس کونسل د قرآن پاك د بې حرمتۍ په پېښه د فوري بحث كولو پرېكړه كړې ده۔ د او آئی سی لخوا په دې اړه بيان جنېوا كښې د پاكستان مستقل استازي سفير خليل هاشمي جاري كړے دے۔ ده ووئيل د هیومن رائټس کونسل موجودہ صدر ته په دې اړه د جولائي په 3 مه نېټه يو خط لېږلے شوے په كوم كښې چې د فوري بحث مقصد بيان كړے شوے ۔ ده ووئيل تېره اونۍ د اختر په ورځ د يو مسجد نه بهر د قرآن پاك سوزل او ددې بې حرمتي كول يو بيل عمل نه وو ٬ په دې څو مياشتو كښې دا شپږمه موقعه وه كومه چې د مذهبي كركې ښكاره او د حكومتي لائنس لمخې كېدو نمائندګي كوي۔ خليل هاشمي ووئيل او آئي سي ګروپ څو څو وارې د دې ډول پېښو په ضد سخت احتجاد ريكارډ كړے دے او ددې مخنيوي له يۍ د بشپړه ګامونو په پورته كولو زور راوړے دے۔ ده ووئيل په قومي كچه د موثر قانوني او پالېسي اقداماتو نشتوالي د دې كارروائيو مخنيوي او ددې په ضد د قانوني كارروايۍ په لاره كښې خنډان ودرولې دي۔ دا خبره د يادونې وړه ده چې د لويې اختر كال 1444ھ په اولنۍ ورځ د سويډن په پلازمينه اسټاك هوم كښې د مركزي مسجد څخه بهر قرآن كريم وسوزولې شو۔ د قرآن کریم د نسخې سوزولو په پېښه د پاکستان او سعودی عربستان په شمول د اسلامي مرستې تنظيم غړو هېوادونو سخت غبرګون ښكاره كړے دے۔ او آئي سي د رايې آزادۍ تر نامې لانې د قرآن او نورو اسلامي مقدس اقدارو تقدس مجروح كولو ټولې هڅې مسترد كولو سره دا د انتها خوښۍ ايجنډې تكميل ګرځولې او هیومن رائټس کونسل او نړيوالو ورورولۍ څخه يۍ د دې د مخنيوي غوښتنه كړې ده۔
