نتھياګلي 06 ستمبر(اے پي پي)وزيراعظم عمران خان په اوورسيز پاكستانيانو زور راوړے دے چې اوورسيز پاکستانيان دې په هېواد كښې سرمايه كاري وكړي٬ د سرمايه كارۍ په لاره كښې ولاړ ټول خنډان به لرې كولې شي، حكومت د نظام سمولو او د قانون د سرلوړۍ جنګ كوي٬ زمونږ مخالفت كرپټ خلق كوي،د سرمايه کارۍ او معيشت صورتحال پرله پسې ښه كېږي٬ يوازې د سېلګرۍ ودې د لارې پاكستان خپل قرض ختمولې شي۔ د دې خيالاتو څرګندونه ده په نتھياګلي كښې د نړيوال هوټل د بنياد تيګې كېښودو دستورې ته خپله وېنا كښې وكړه۔ په دې موقع وفاقي وزيران٬ سرمايه كار او د سيمې مشران هم موجود وو۔ وزيراعظم ووئيل كركټ او شوکت خانم لپاره د عطياتو جمع كولو نه پس په سياست كښې د فعاله كېدو له امله زما بهر هېوادونو كښې پاكستانيانو سره ډېره رابطه وه او زه په دوي ښه پوهېږم او دوي پېژنم٬ اوورسيز پاكستانيان د هېواد لويه اثاثه ده٬ د بده مرغه مونږ دوي څخه په صحيح معنو كښې استفاده ونه كړې شوه ځكه چې زمونږ د هېواد نظام څه داسې دې چې پكښې حكومت د اولس لپاره نه بلكې د خپلې ګټې سوچ كوي حالانكه د حكومت كار د اولس ګټې ته كتل دي او د دوي بايد ضرورتونه ترسره كړې شي٬ دا زمونږ د نظام خرابۍ دي۔ وزيراعظم ووئيل د پاکستان زيات ضرورت دولت زياتول دي ځكه چې دولت زياتېدو سره به د ملازمت موقعې زياتي شي او ټېكس وركول به زيات شي او مونږ به د پور بېرته وركولو جوګه شو٬ حكومت په دې لړ كښې اقدامات كوي مونږ اوورسيز لپاره موقعې پېدا كوٶ دغسې چې ھغوي دلته راشي او سرمايه كاري وكړې شي۔ وزيراعظم ووئيل 90 لكه پاكستانيان بهر هېوادونو كښې دي٬ د دوي په كلنه توګه آمدني د 22 كروړه اولس برابر ده٬ زيات دولت مند او هنر مند پاكستانيان د هېواد نه بهر دي٬ ځكه چې نظام ورته دلته موقعې ورنكوي٬ كله چې بهر لاړل نو كامياب شول ځكه چې هلته نظام ښه دے٬ د موقعو نشتوالي په سبب د هېواد ټېلنټ بهر تللې۔ وزيراعظم ووئيل د سرمايه كارۍ د لارې به ځوانانو ته د روزګار موقعې ترلاسه شي٬ د ماضي واكدارانو د برآمداتو زياتولو هڅې نه دي كړې حالانكه هېواد برآمداتو سره شتمند كېږي۔ وزيراعظم ووئيل سنګاپور د 300 اربه ډالرو برآمدات لري او زمونږ برآمدات هيله ده چې سږ كال 30 اربه ډالرو ته ورسي۔ مونږ بلها څيزونه برآمد كولې شو خو په ماضي كښې په دې لړ كښې چا هڅه نه ده كړې۔ هغه ووئيل حكومت اوس په دې لړ كښې هڅې كوي۔ وزيراعظم ووئيل برامدات زياتېدو سره به دولت زيات شي او روپۍ به مضبوطه شي او ګراني به كمه شي۔ وزيراعظم ووئيل حكومت به اوورسيز پاكستانيانو ته په هېواد كښې د سرمايه كارۍ موقعې وركوي٬ په ماضي كښې د دوي په پلاټونو قبصې كېدې٬ دوي به پنځلس ٬ پنځلس او شل ٬ شل كاله بهر هېوادونو كښې خوارۍ كوله ٬ پلاټونه به ئې اخستل او په هغې به قبضې كېدې ٬ او دوي به د سسټم په وړاندې بې وسه وو۔ هغه ووئيل مونږ د نظام سمولو او د قانون د سرلوړۍ جنګ كوٶ٬څنګه څنګه چې هېواد كښې د قانون سرلوړي راځي اوورسيز پاكستانيانو به دلته راتلو سره سرمايه كاري كوي ځكه چې ھغوي ته به دا باور وي چې د ھغوي په جائيداونو او پلاټونو به قبضه نه كېږي۔ وزيراعظم ووئيل زياتو خلقو د هېواد دولت لوټ كولو سره بهر هېوادونو كښې ماڼۍ جوړې كړې دي٬ كرپټ خلق په ګډه د حكومت مخالفت كوي او دوي نظام سمېدل ليدل نه غواړي ځكه چې دوي دې كرپټ نظام څخه ګټه پورته كړې ده٬ دوي د پاکستان په ځائ بهر هېواد كښې سرمايه كاري كوي۔ وزيراعظم ووئيل د حکومتي اقداماتو په سبب صورتحال مخ په ښه كېدو دے مونږ پرله پسې ښه كېدو پلو روان يو٬ صنعتونه چلېږي٬ سرمايه كاري راروانه ده او معاشي وضعه مخ په ښه كېدو ده۔ وزيراعظم ووئيل پاكستان كښې د سېلګرۍ په څانګه كښې بلها موقعې موجود دي مونږ له په دې لړ كښې ډېر څه كول دي٬ كله چې په خېبر پښتونخوا كښې زمونږ حكومت جوړ شو نو مونږ د سېلګرۍ په څانګه كښې يو شمېر اقدامات وكړل د كومو په سبب چې د ملګرو ملتونو د ادارې راپور له مخې په غربت كښې په تندۍ سره كمې راغلے۔ وزيراعظم ووئيل دولت د سېلګرۍ دلارې زياتېدې شي٬ په ګليات كښې د فائيو سټار هوټل د بنياد تيګه كېښودل لوے اقدام دے٬ دې سره به شتمند خلق سېلګرۍ لپاره راځي۔ وزيراعظم عمران خان ووئيل د اختر په رخصتۍ كښې خېبر پښتونخوا ته 27 لكه سېلګري راغلي ٬ مونږ به د سېلګرۍ د سيمو زوننګ كوٶ او د سېلګرۍ سيمې به په ليز وركوٶ٬ حکومت به د سېلګرۍ څانګې ودې لپاره زمكه په ارزانه بيعه وركوي ځكه چې سېلګري داسې څانګه ده كومې ته چې وده وركولو سره مونږ بهرنۍ قرضه بېرته وركولې شي۔ وزيراعظم عمران خان په اوورسيز پاكستيانيانو زور رواړو چې ھغوي دې پاكستان ته راشي او سرمايه كاري دې وكړي٬ حكومت به په دې لاره كښې ولاړ خنډان لرې كوي
