اسلام آباد ۔ 3 اگست (اے پی پی) د ترهګرو مالي معاونت مخنيوي لپاره د نېشنل ټاسك فورس لسمه مياشتنيزه غونډه د جمعې په ورځ د نېكټا په مركزي دفتر كښې د كوارډينېټر ډاكټر سلمان خان په مشرۍ كښې وشوه۔ په غونډه كښې د اېف آئي اے ، اېف بي آر، اے اېن اېف، د مركزي بانك ، اېف اېم یو، اېس ای سی پی، د خزانې وزارت ، د داخله او د سی ټی ډی پشمول د بېلا بېلو وفاقي او صوبائي څانګو او د حكومتونو 27 غړو ګډون وكړو كوم چې د ټاسك فورس غړي دي۔ په غونډه كښې د اېف اے ټي اېف اېكشن پلان د عملدرآمد پحقله غور وشو۔ غونډه كښې غړو خپل وړانديزونه وركړل او تر اوسه په دې د شوي عملدرآمد پحقله هم خبرې وشوې ۔ غونډه د قانون نافذ كوٶنكو ادارو ٬ مركزي بانك ٬ اېس اي سي پي ٬ كسټمز ٬ نېكټا او اېف آئي اے پشمول د بېلا بېلو ادارو لخوا عملدرآمد لپاره د شوو هلو ځلو پحقله خبر كړې شوه او ګډون كوٶنكو په دې لړ كښې خپل تجويزونه وړاندې كړه۔ د دې نه وړاندې د نېشنل اېكشن پلان كوآرډينېټر ډاكټر سلیمان خان ګډون كوٶنكو ته ووئيل نېكټا د داخله وزارت په امر په سي اېف ټي نېشنل ټاسك فورس جوړ كړې كوم چې د ترهګرو مالي معاونت لاره نيولو لپاره د مهم كردار وړ دے او په دې ټاسك فورس كښې د ټولو ډلو نمائندګي شته۔
