اسلام آباد-05 ڊسمبر (اي پي پي) واپار واري وزير ڄام ڪمال خان چيو آهي ته واپار واري وزارت ۽ ان جا سمورا ذيلي ادارا روانگي واپار ڪندڙن کي وڌ کان وڌ سهولتون فراهم ڪن. روانگي واپار جي صلاحيتن کي وڌائڻ لاءِ حڪومت ڪوششون جاري رکيو پئي اچي. وزارت طرفان جاري بيان موجب اهڙو اظهار وفاقي وزير ڪالهه هتي واپار واري وزارت جي ذيلي ادارن جي داخلي ڪارڪردگي جي جائزه اجلاس جي صدارت ڪندي ڪيو. وفاقي وزير ماتحت ادارن کي پاڪستان جي واپاري ۽ روانگي واپار واري صلاحيت کي هٿي ڏيڻ لاءِ اُڀرندڙ موقعن مان فائدو کڻڻ جي هدايت ڪئي. اجلاس ۾ ڄام ڪمال خان اختياين کي هدايت ڪئي ته اهي روانگي واپار جي سهولت کي ترجيح ڏين ته جيئن ان جي پيداواري صلاحيت کي وڌ کان وڌ ڪري سگهجي. هن پاڪستان جي روانگي واپار ۾ باسڪٽ کي بهتر بڻائڻ ۽ ملڪي واپار کي وڌائڻ لاءِ غير استعمال ٿيل عالمي مارڪيٽن جي تلاش جي اهميت تي زور ڀريو. علائقائي رجحانن کان اڳتي رهڻ جي اهميت کي اجاگر ڪندي ڄام ڪمال خان پنهنجي ٽيم تي زور ڀريو ته هو وزيراعظم شهباز شريف جي روانگي واپار جي پاليسيءَ موجب اسٽر:ٽجڪ نقطهءِ نظر اختيار ڪن. هن چيو ته واپاري حصيداريءَ کي وڌائڻ ۽ روانگي واپار جي حڪمت عملي کي بهتر بنائڻ جي هدفن جون ڪوششون اقتصادي ترقيءَ کي اڳتي وڌائڻ ۾ اهم ڪردار ادا ڪنديون.
