اسلام آباد-04 ڊسمبر (اي پي پي) سينيٽ چيئرمين سيد يوسف رضا گيلاني مخالف ڌر جي اڳواڻ جي مشاورت سان بئريسٽر علي ظفر کي جوڊيشل ڪميشن جو ميمبر مقرر ڪري ڇڏيو. سينيٽ سيڪرٽريٽ مطابق سينيٽر شبلي فراز جوڊيشل ڪميشن آف پاڪستان جي ميمبر شپ تان استعيفيٰ ڏني هئي. سينيٽر شبلي فراز، بئريسٽر علي ظفر جو نالو جوڊيشل ڪميشن جي ميمبر لاءِ موڪليو هو. سينيٽر بئريسٽر علي ظفر جوڊيشل ڪميشن ۾ مخالف ڌر جي نمائندگي ڪندو.
