اسلام آباد -26 نومبر (اي پي پي) پاڪستان ۽ بيلا روس وچ ۾ مختلف شعبن ۾ سهڪار لاءِ 15 مفاهمت جي يادداشتن تي صحيحيون ۽ معاهدن جي مٽاسٽا ڪئي وئي. وزيراعظم محمد شهباز شريف ۽ بيلا روس جي صدر اليگزينڊر لوڪاشينڪوف جي موجودگي ۾ انهن معاهدن تي صحيحيون ۽ مٽاسٽا ڪئي وئي. بيلا روس ۽ پاڪستان وچ ۾ جامع سهڪار جي روڊ ميپ 27-2025ع تي صحيحيون ڪيون ويون. پاڪستان طرفان واپار واري وفاقي وزير ڄام ڪمال خان ۽ بيلا روس طرفان توانائي واري وزير اليڪسي ڪشنرينڪو صحيحيون ڪيون. پاڪستان جي واپار واري وزارت ۽ بيلا روس تعاون جمهوريه جي اجاره داري روڪٿام جي ضابطن ۽ واپار جي وزارت وچ ۾ اليڪٽرانڪ ڪامرس تعاون جي مفاهمت جي يادداشت تي صحيحيون ڪيون ويون. پاڪستان طرفان واپار واري وفاقي وزير ڄام ڪمال خان ۽ بيلا روس طرفان پرڏيهي وزير ميڪسم رائزنڪوف صحيحيون ڪيون. بيلا روس جي نيشنل اڪيڊمي آف سائنسز ۽ پاڪستان ڪائونسل آف سائنٽيفڪ اينڊ انڊسٽريل ريسرچ وچ ۾ سائنس ۽ ٽيڪنالاجي جي تعاون جي معاهدي تي صحيحيون ڪيون ويون. پاڪستان طرفان سائنس ۽ ٽيڪنالاجي واري وفاقي وزير ڊاڪٽر خالد مقبول صديقي ۽ بيلا روس طرفان پرڏيهي وزير ٽرميڪسم رائزنڪوف صحيحيون ڪيون. پاڪستان نيشنل ايڪريڊيٽيشن ڪائونسل پاڪستان ۽ ريپبلڪن يونٽيري انٽر پرائز وچ ۾ ايڪريڊيٽيشن جي ميدان ۾ مفاهمت جي يادداشت تي صحيحيون ڪيون ويون، پاڪستان طرفان سائنس ۽ ٽيڪنالاجي واري وفاقي سيڪريٽري ساجد بلوچ ۽ بيلا روس طرفان پرڏيهي وزير ٽرميڪسم رائزنڪوف صحيحيون ڪيون. بيلا روس جي ڪميٽي آف اسٽيٽ ڪنٽرول ۽ پاڪستان جي آڊيٽر جنرل جي آفيس وچ ۾ سهڪار تي مفاهمت جي يادداشت تي صحيحيون ڪيون ويون، پاڪستان طرفان آڊيٽر جنرل آف پاڪستان محمد اجمل گوندل ۽ بيلا روس طرفان پرڏيهي وزير ميڪسم رائزنڪوف صحيحيون ڪيون. بيلا روس جي اسٽيٽ ڪنٽرول ڪميٽي جي مالياتي نگراني جي کاتي ۽ مالياتي نگراني يونٽ ۽ پاڪستان حڪومت وچ ۾ مني لانڊرنگ بابت مالياتي انٽيليجنس جي مٽاسٽا، اڳواٽ ڏوهن ۽ دهشتگردي جي مالي مدد بابت مفاهمت جي يادداشت تي صحيحيون ڪيون ويون. پاڪستان طرفان فنانشل مانيٽرنگ يونٽ جي ڊائريڪٽر جنرل لبنيٰ فاروق ملڪ ۽ بيلا روس طرفان پرڏيهي وزير ميڪسم رائزنڪوف صحيحيون ڪيون. پاڪستان ڪسٽمز جي وفاقي بورڊ آف روينيو ۽ ڪوپر بلاڪن آف دي اسٽيٽ ڪسٽم ڪميٽي وچ ۾ ٻه طرفي واپار جي ڪسٽمز جي انگن اکرن جي مٽاسٽا واري مفاهمت جي يادداشت تي به صحيحيون ڪيون ويون، پاڪستان طرفان ميمبر (ڪسٽمز آپريشنز)، ايف بي آر محمد جنيد جليل خان جڏهن ته بيلا روس طرفان پرڏيهي وزير ميڪسم رائزنڪوف صحيحيون ڪيون. بيلا روس جي نيشنل اڪيڊمي آف سائنسز ۽ پاڪستان اڪيڊمي آف سائنسز وچ ۾ سائنس ۽ ٽيڪنالاجي جي سهڪار جي معاهدي تي صحيحيون ڪيون ويون. پاڪستان طرفان سيڪريٽري جنرل، پاڪستان اڪيڊمي آف سائنسز ڊاڪٽر محمد اسلم بيگ ۽ بيلا روس طرفان پرڏيهي وزير ميڪسم رائزنڪوف صحيحيون ڪيون. پاڪستان حڪومت ۽ جمهوريه بيلا روس جي حڪومت وچ ۾ عالمي روڊ ٽرانسپورٽ جي معاهدي تي صحيحيون ڪيون ويون، پاڪستان طرفان مواصلات، نجڪاري ۽ بورڊ آف انويسٽمينٽ واري وزير عبدالعليم خان ۽ بيلا روس طرفان ٽرانسپورٽ ۽ مواصلات واري وزير اليڪسي لياخنووچ صحيحيون ڪيون. ماحولياتي تحفظ جي شعبي ۾ سهڪار سان لاڳاپيل يادداشت تي قدرتي وسيلن ۽ جمهوريه بيلا روس جي ماحولياتي تحفظ ۽ ثقافت واري وزير صحيحيون ڪيون. پاڪستان طرفان وزيراعظم جي موسمياتي تبديلي ۽ ماحوليات واري ڪو آرڊينيٽر رومينه خورشيد عالم ۽ بيلا روس طرفان قدرتي وسيلن ۽ ماحولياتي تحفظ واري وزير سرگئي مسلياڪ صحيحيون ڪيون. روڪٿام ۽ هنگامي صورتحال جي خاتمي لاءِ بيلا روس جي هنگامي حالتن واري وزارت ۽ اسلامي جمهوريه پاڪستان جي قومي آفتن کي منهن ڏيندڙ اداري وچ ۾ مفاهمت جي يادداشت تي صحيحيون ڪيون ويون. پاڪستان طرفان اين ڊي ايم اي جي ميمبر سيد قاسم محمد ادريس مسعود ۽ بيلا روس طرفان هنگامي حالتن واري وزير واديم سينياوسڪي صحيحيون ڪيون. پاڪستان جي قومي پيشيواراڻي ۽ ٽيڪنيڪي تربيتي ڪميشن (نيوٽيڪ) ۽ تعليمي اداري ريبپلڪن اداره سازي جي اداري وچ ۾ مفاهمت جي يادداشتن تي صحيحيون ڪيون ويون. پاڪستان طرفان ايگزيڪيوٽو ڊائريڪٽر، نيشنل ووڪيشنل اينڊ ٽيڪنيڪل ٽريننگ ڪميشن محمد عامر جان ۽ بيلا روس طرفان تعليمي اداري جي ريڪٽر ريپبلڪن انسٽيٽيوٽ فار ووڪيشنل ايجوڪيشن واليري گولو بوسڪي صحيحيون ڪيون. جمهوريه بيلا روس ۽ اسلامي جمهوريه پاڪستان وچ ۾ گهربل جوابدارن جي حوالگي جي معاهدي تي پاڪستان طرفان گهرو وزارت جي سيڪريٽري ڪيپٽن (ر) خرم آغا ۽ بيلا روس طرفان جمهوريه بيلا روس جي انصاف واري وزير ايوگيني ڪووالينڪو صحيحيون ڪيون. پاڪستان جي ڊرگ ريگيوليٽري اٿارٽي، نيشنل هيلٿ سروسز ريگيوليشن اينڊ ڪو آرڊينيشن واري وزارت ۽ ريپبلڪن يونيفورٽائز پرايننٽ وچ ۾ مفاهمت جي يادداشت (ايم او يو) تي پاڪستان طرفان صحت واري سيڪريٽري نديم محبوب ۽ بيلا روس طرفان جمهوريه بيلا روس جي اسلامي جمهوريه پاڪستان لاءِ سفير آندري ميٽيليسا صحيحيون ڪيون. پاڪستان حلال اٿارٽي وچ ۾ حلال واپار ۾ سهڪار لاءِ مفاهمت جي يادداشت تي سائنس ۽ ٽيڪنالاجي واري وزارت ۽ بيلا روس حڪومت جي سرٽيفيڪيشن سينٽر صحيحيون ڪيون. پاڪستان طرفان سائنس ۽ ٽيڪنالاجي واري وفاقي سيڪريٽري ساجد بلوچ ۽ بيلا روس طرفان بيلا روس جي پاڪستان ۾ سفير آندري ميٽيليسا صحيحيون ڪيون. ان موقعي تي وزيراعظم پاڪستان محمد شهباز شريف ۽ بيلا روس جي صدر اليگزينڊر لوڪاشينڪو گڏيل پڌرنامي تي به صحيحيون ڪيون.
