اسلام آباد – 09 – مئي (اي پي پي) وزيراعظم محمد شهباز شريف شهيدن جي پونئيرن جو پنهنجي ڪُرسي تان اٿي استقبال ڪيو. اطلاعات واري وزارت جي اهتمام هيٺ 9 مئي سانحي جي شهيدن ۽ انهن جي خاندانن سان يڪجهتي جي اظهار جي تقريب منعقد ڪئي وئي جنهن ۾ وزيراعظم محمد شهباز شريف شرڪت ڪئي. تقريب ۾ شهيدن جي پونئيرن پڻ شرڪت ڪئي. ان موقعي تي وزيراعظم محمد شهباز شريف تقريب ۾ شرڪت جي لاءِ ايندڙ شهيدن جي پونئيرن جو پنهنجي سيٽ تان اٿي استقبال ڪيو.
