اسلام آباد – 25 – آڪٽوبر (اي پي پي) وزيراعظم آفيس ۾ مقرر گريڊ 18 جي پاڪستان ايڊمنسٽريٽو سروس جي آفيسر وقار علي خان چارج ڇڏي ڏني، هو وزيراعظم آفيس ۾ ڊپٽي سيڪريٽري مقرر هو. وزيراعظم آفيس پاران جاري نوٽيفڪيشن موجب اهو نوٽيفڪيشن اسٽيبلشمينٽ ڊويزن جي نوٽيفڪيشن جي ڏس ۾ جاري ڪيو ويو آهي. واضح رهي ته جمعي ڏينهن اليڪشن ڪميشن ۾ چيف اليڪشن ڪمشنر سڪندر سلطان راجا جي سربراهي ۾ ٽه رڪني بئنچ ٻڌڻي دوران وقار علي کي فوري طور تي ريليز ڪرڻ جو حڪم ڏنو. حڪومت پاران سيڪريٽري اسٽيبلشمينٽ ڊويزن ڪميشن جي سامهون پيش ٿيو هو. چيف اليڪشن ڪمشنر کيس حڪم ڏنو هو ته وقار علي خان جا واپس ڊپٽي ڪمشنر شيخوپوره مقرري جا حڪم جاري ڪيا وڃن.
