واشنګټن 22 جولائي (اے پي پي) د وزيراعظم عمران خان او امريکائي اولس مشر ډونلډ ټرمپ ترمېنځه ون ټو ون ملاقات روان دې٬ د دې نه پس به د پلاويو په كچه مذاكرات كېږي۔ سپينا ماڼۍ كښې په كېدونكي ملاقات كښې به د دوه اړخيزه اړيكو نه علاوه په سيمه ايز صورتحال هم تفصيلي خبرې اترې كېږي۔ وزيراعظم عمران خان د امريکائي اولس مشر ډونلډ ټرمپ په بلنه د امريكې دوره كوي۔ د وزيراعظم عمران خان او امريکائي اولس مشر ډونلډ ټرمپ ترمېنځه په اقتدار كښې د راتللو نه پس دا وړومبې ملاقات دې۔ د دې نه وړاندې ډونلډ ټرمپ د سپينې ماڼۍ د مركزي دروانې نه بهر راتللو سره د وزيراعظم عمران خان توده هركلے كړې۔
