د عبد الرزاق داؤد د چينائي ميډيا ادارې چائنا اكنامك نېټ سره خبرې
بیجنګ۔ 13 اپرېل (اے پی پی) د و زيراعظم د تجارت او ټېكسټائل صلاكار عبد الرزاق داؤد وئيلي دي د وزيراعظم عمران خان د راروانې چين دورې په مهال به د دواړو هېوادونو ترمينځھ د آزاد تجارت لوظنامې دوهم پړاؤ لاس ليك كړې شي۔ ده دا خبره د چين ميډيا ادارې “چائنا اکنامک نېټ” سره خبرو كښې وكړه۔ ده ووئيل لاس ليك به د روانې مياشتې په پايه كښې چين كښې كيږي۔ ده ووئيل پاكستان هيله لري چې چين به د صنعتكارۍ عمل مخ په وړاندې بوتللو او د كركيلې ټېكنالوجۍ په پرمختګ كښې پاكستان سره لا مرسته كوي۔ چې ورسره به په پاكستاني برآمداتو كښې زياتوالې رامخې ته شي۔ ده ووئيل وزيراعظم عمران خان د روانې مياشتې په پايه كښې د چين دوره كوي۔ وزیراعظم سره به د پاكستان تر ټولو غوره برآمد كنندګان هم بيجنګ ته ځي۔ ده ووئيل ټېكسټائل څانګه د پاكستان مهمه برآمدي څانګه ده۔ دا مهال د ملكي برآمداتو 60 فيصده برخه په ټېكسټائل مشتمل ده۔
