اسلام آباد 31 جنوري (اے پي پي) احتساب عدالت په توشه خان كېس كښې د تحريك انصاف باني عمران خان او بشرٰي بي بي ته د 14 ٬ 14 كالو او د يو ارب57 كروړه 30 روپو جرمانې سزا اورولو سره تر لسو كالو هر د ډول اولسي عهدې لپاره نااهله ګرځولے دے۔ د سماعت په مهال د احتساب عدالت جج محمد بشير د عمران خان نه پوښتنه وكړه چې تاسو خپل 342 بيان جمع كړے؟ نو عمران خان ووئيل بيان تيار دے وخت راكړې ٬ بشريٰ بي بي او زما وكيلان به راځي او بيان به جمع كړي ٬ دغسې جج محمد بشير د كېس مختصر پرېكړه واوروله۔ د پرېكړې له مخې پخواني وزيراعظم عمران خان او د ھغه كورودانې بشريٰ بي بي ته 14، 14 كاله د مشقت پشمول په مجموعي توګه د يو ارب 57 كروړه 30 لكه روپو جرمانه او د هر ډول اولسي چوكۍ لپاره تر لسو كالو د نا اهلې سزا اورولې شوې
