اسلام آباد۔29جولائی(اے پی پی)وفاقی وزیر خزانہ و محصولات سینیٹر محمد اورنگزیب وزیراعظم یوتھ بزنس اینڈ ایگریکلچر لون سکیم دی تعریف کریندے آکھیے جو چھوٹے اتے درمیانے درجے دے کاروبار کون تکرا کرݨ کیتے اے ٻہوں اہم اے۔ انہاں اے ڳالھ انہاں پرائم منسٹر یوتھ پروگرام دے چیئرمین رانا مشہود احمد خان نال ملݨ ویلھے آکھی۔ رانا مشہود احمد خان وزیر خزانہ کوں پروگرام تے تفصیلی بریفنگ ݙتی۔ انہاں سکیم نال نوجواناں اچ کاروبار دے ودھارے اتے انہاں کوں سوکھے تجارتی قرضے ݙیوݨ کیتے اقدامات، نواجواناں کوں ڳھٹ شرح سود تے کمرشل اسلامک اتے ایس ایم ای بینکاں ولوں قرض ݙیوݨ دا ݙسائے۔ انہاں سکیم دی موجودہ ساخت، آپریشنل امور اتے لاجسٹک سودھا ٻئے معاملیاں تے الائے۔ ملاقات اچ نینگراں کوں ودھ مواقع ݙیوݨ اتے پائیدار بزنس سانڳے اقدامات تے ڳالھ مہاڑ تھئی۔
