اسلام آباد 22 جون (اے پي پي) د هوائي بازې وفاقي وزير غلام سرور خان وئيلي دي چې د بي بي سي راپور له مخې شريف كورنۍ د نړۍ په لس لويو كرپټ كورنيو كښې شامله ده٬ د مسلم ليګ ﴿ن﴾ د ځينې مشرانو ضمير راويښ شوے٬ دوي به وطن سره مېنه لرونكو سره شامل شي٬ مونږ به دوي ته عزت او احترام وركړو٬ انكوائري كميشن دې د كال 1995م نه د اخستل شوي قرض حساب وكړي۔ د خالي په ورځ په قومي اسمبلۍ كښې په ذاتي وضاحت په خپلو خبرو كښې وفاقي وزير غلام سرور خان ووئيل چې سردار اياز صادق ده لپاره د احترام وړ دے٬ هغه حقيقت پسند او مردم شناس سړے دے٬ د شريفانو په قدر پوهېږي۔ ده ووئيل چې زه د كال 1985م نه د مسلم ليګ ﴿ن﴾ يو شمېر خلق پېژنم٬ دوي خانداني پس منظر لري او اهل او ضمير لرونكي هم دي خو د مسلم ليګ ﴿ن﴾ شريف كورنۍ تر ټولو زياته كرپټ ده۔ زه وزيراعظم ته وايم چې تر كال 1995م لاړ شي۔
