اسلام آباد 30 اپرېل (اے پي پي) اولس مشر ډاكټر عارف علوي په سماجي او اقتصادي پرمختګ كښې د علم او تحقيق اهميت رامخې ته كولو سره وئيلي دي د تحقيق او علم نوې لارې لټوٶنكي قامونه په تندۍ سره پرمختګ كوي٬ د هېواد پوهنتونونه دې د تحقيق څانګې ته خاص پاملرنه كولو سره ځوانانو ته په سباٶن كښې روزګار او د ماركيټ تقاضو تر مخه تعليم وركړي۔۔ د دې خيالاتو څرګندونه اولس مشر د نهې په ورځ د بحريه پوهنتون 21م كانووكېشن ته خپلې وېنا كښې وكړه۔ اولس مشړ ووئيل قرآن پاك ګردې نړۍ لپاره د ژوند بې مثاله فلسفه ده او د دې په سوب چې 1400 كاله وړاندې د خلقو په ژوند كښې كوم انقلاب راغلې هغه د ټولو لپاره د لارې مشال دے۔ ده ووئيل اسلام ټولو بې وسو او پاتې طبقو او اقليتونو ته حقونه وركړي چې په تاريخ كښې ئې مثال وړاندې نه موندلې كېږي۔ ده ووئيل زده كوٶنكو لپاره مور پلار او ټولنه د تربيې ځايونه دي٬ زده كوٶنكي دې د استاذونو علمي پانګو څخه مستفيد شي دغسې د خپل تعليم بشپړولو نه پس چې د روزګار په لړ كښې زده كړې د دوي مرستياله وي۔ اولس مشر ووئيل مور او پلار چې د خپلو بچو تعليم ته د خاص پاملرنې كولو سره كومه سرمايه كاري كوي چې ھغه نه يوازې زده كوٶنكو بلكې هېواد او قام لپاره هم ګټوره وي٬ ده ووئېل اوس دا د ځوانانو ذمه واري ده چې ھغوي د خپل مور او پلار هيلې ترسره كړي٬ د ھغوي خيال اوساتي ځكه چې د مور او پلار خيال ساتل زمونږ فرض جوړېږي۔ ده ووئيل مونږ بايد تعليمي نظام په جديد ډول روان كړو۔ اولس مشر د كتابونو د لوستنې په حاجت زور رواړولو سره ووئيل زمونږ په دور كښې به د كتابونو زيات اهميت ٶ خو اوس د انفارمېشن ټېكنالوجۍ په سوب د معلوماتو ذريعې زياتې شوې ٬ د آن لائن معلوماتو ذخیرہ موجود ده۔ اولس مشر ځوانانو ته تاكيد وكړو چې زياتو معلوماتو لپاره دغې ذخيرې څخه استفادې وكړي۔ د دې نه وړاندې اولس مشر په تدريسي مېدان كښې ځانګړې كاميابۍ ترلاسه كوٶنكو زده كوٶنكو ته سنددونه او اعزازونه وركړل
