اسلام آباد ۔2مارچ (اے پی پی) وزیر مملکت اطلاعات و نشریات فرخ حبیب آکھیا جو وزیر اعظم عمران خان اڄ کامیاب پاکستان پروگرام دے تحت بلا سود قرضیاں دا اجرا کریسن۔ انہاں آکھیا جو ڳھٹ وسائل لوکاں کوں اخوت سودھے ٻئے مائیکرو فنانس اداریاں توں کاروبار شروع کرݨ کیتے بغیر سود پنڄ لکھ روپے اتے گھر ٻݨاوݨ کیتے 27 لکھ روپے تئیں دے قرضے ݙتے ویسن۔ کامیاب پاکستان پروگرام غربت دے خاتمہ کیتے وزیراعظم دا وژن دا حصہ اے۔ انہاں آکھیا جو کامیاب پاکستان پروگرام اچ نوجواناں، تریمتیں، کساناں، ڳھٹ لاگت گھر ٻݨاوݨ اتے کاروبار شروع کرݨ کیتے ݙو سالیں اچ کل 407 ارب روپے دے قرضے ݙتے ویسن۔ ایں مدت اچ حکومت 56 ارب روپے سی سبسݙی ݙیسی۔
