اسلام آباد 29 اګست (اے پي پي) د آبي وسائلو لنډمهاله وفاقي وزير احمد عرفان اسلم وئيلي دي چې د جديد ټېلي مېټري آلات شموليت سره به د ريئل ټائم هائيډرو مېټرولوجيکل پيمائش باوري كړې شي۔ وفاقي وزير دا خبره په اسلام آباد كښې فلډ ټېلي مېټري لپاره د نېشنل ماسټر پلان د اجراء په لړ كښې دستورې ته خپلې وېنا كښې وكړه۔ د كومې اهتمام چې وفاقي فلډ کمېشن (اېف اېف سي) او واپډا په مشتركه توګه د آبي وسائلو وزارت او د آسيائي پرمختيائي بېنك (اے ډي بي ) په مرسته كړې ٶ۔ په دستوره كښې د آبي وسائلو لنډمهاله وفاقي وزير احمد عرفان اسلم، وفاقي سېكتر سيد علي مرتضيٰ، د اېف اېف سي چيئرمېن احمد کمال، د اے ډي بي کنټري ډائريکټر يونګ يي نه علاوه د واپډا او د آبي وسائلو وزارت لوړ پورو هم ګډون كړې۔
