اسلام آباد۔17اګست(اے پی پی) د قومي اسمبلۍ سپيكر راجه پروېز اشرف په راني پور كښې د یوې ماشومې د مرګ پېښې نوټس اخستو سره وئيلي دي چې زمونږ په ټولنه په ماشومانو د تشدد مخ په زياتېدونكې رجحان اندېښمن دے٬ د ماشومانو ساتنه زمونږ اجتماعي مسؤلیت دے۔ د زيارت په ورځ خپل بيان كښې ده په راني پور كښې د يوې ماشومې د مرګ په پېښه د افسوس څرګندونه كولو سره ووئيل په دې پېښه ماته زيات خفګان رسېدلے دے۔ ده ووئيل قومي اسمبلۍ په تېرو 16 مياشتو كښې د ماشومانو د حقونو او ساتنې لپاره مهم ګامونه پورته كړې دي ولې چې ماشومان زمونږ سباؤن دي او د دوئي ساتنه زمونږ اجتماعي مسؤليت دے۔ ده ووئيل په كوچنيانو د مشقت كار كولو رجحان دې په هره كچه مخنيوې وكړې شي۔ ده قانون نافذ كوؤنكو ادارو ته هدايت وكړو چې د دې جدي نوټس واخلي او ددې ډول پېښو مخنيوي له دې په وخت او مناسب ګامونه پورته كړي
