لاهور 26 دسمبر (اے پي پي) د بانكونو د لارې د ترسيلات زر حجم زياتولو عزم پوره كولو لپاره نېشنل بانك د بانك الجزيره په مرسته د سعودي څخه د ترسيلات زر حجم زياتولو لپاره مرستې ته تيار دے۔ د پاكستان د نېشنل بانك ذريعو له مخې په دې لړ كښې د دسمبر په 24مه نېټه د بانك الجزيره چارواكو لخوا د پاكستان دورې په موقع د نېشنل بانك چارواكو سره په مذاكراتو كښې د ټولو چارو پرېكړه شوې۔ په مذاكراتو كښې د سعودي څخه په قانوني توګه د ترسيلات زر پاكستان ته د منتقلې په چارو خبرې شوې دي۔ نېشنل بانك او بانك الجزيره د سعودي عرب څخه په قانوني توګه ترسيلات زر پاكستان ته په منتقلې اتفاق كړے۔ د يادونې وړ ده چې د پاكستان نېشنل بانك په ښارونو او كلي والو سيمو كښې د 1500 نه زياتې څانګې لري او دا بانك د پاكستان په ترسيلات زر كښې مهم كردار ترسره كوي۔ سعودي عرب هغه هېواد دے د كوم څخه چې پاكستان ته په ټوله نړۍ كښې تر ټولو زيات ترسيلات زر ترلاسه كېږي۔
