اسلام آباد – 11 – جنوري (اي پي پي) وزيراعظم محمد شهباز شريف قومي اسيمبلي جي ڊپٽي اسپيڪر زاهد اڪرم دراني جي رهائشگاهه ويو ۽ هن جمعيت علماءِ اسلام (ف) جي اڳواڻ محمد اڪرم دراني سان سندس والده ۽ قومي اسيمبلي جي ڊپٽي اسپيڪر زاهد اڪرم دراني سان سندس ڏاڏيءَ جي لاڏاڻي تي تعزيت جو اظهار ڪيو. وزيراعظم آفيس جي ميڊيا ونگ پاران جاري بيان موجب وزيراعظم مرحومه جي لاڏاڻي کي خاندان جي لاءِ تمام وڏي صدمي سان تعبير ڪيو ۽ ان تي گهري ڏک ۽ افسوس جو اظهار ڪيو. وزيراعظم مرحومه جي ايصال ثواب، درجن جي بلندي ۽ سوڳوارن جي لاءِ صبر جميل جي دعا ڪئي.
