اسلام آباد۔9اکتوبر (اے پی پی) نگراں وفاقی وزیر اطلاعات تے نشریات مرتضیٰ سولنگی پاکستان اتے روس وچال میڈیا، ڈرامہ، فلمز، سانجھی پروڈکشنز اتے تربیتی پروگرامز سودھے مختلف شعبیاں اچ تعاون ودھاوݨ دی لوڑھ تے زور ݙیندیں ہوئیں آکھیا جو ݙوہیں ملکاں وچال تعلقات مضبوط ٻݨاوݨ اتے سانجھے اہداف دا راہ ڳولݨ پاکستان دی بزنس کمیونٹی اتے عوام دی دل دی آواز اے۔ اساکوں یقین اے جو روس پاکستان تعلقات بدلے تقاضیاں موجب مستقبل آلے پاسے ودھدے رہسن۔ اے ڳالھیں انہاں سنوار کوں ملاقات کیتے آئے روس دے سفیر دانیلا گینیچ نال ڳالھ مہاڑ کریندیں ہوئیں آکھی۔ ملاقات اچ ݙوہیں ملکاں وچال میڈیا سودھے مختلف شعبیاں بارے ڳالھ تھئی۔
