اسلام آباد ۔ 24 جون (اے پی پی) وزیراعظم عمران خان ’ ریگولیٹری فریم ورک اتے رجسٹریشن دے عمل کوں سوکھا بنڑاونڑ سانگے پاکستان ریگولیٹری ماڈرنائزیشن انیشی ایٹیو (پی آر ایم آئی) کوں اجوکی حکومت اصلاحاتی ایجنڈے دا اہم حصہ آکھدیں ہوئیں آکھیا جو ریگولیشن دے عمل اچ چنگائی اتے اینکوں جدید طریقے تے گھن آونڑ دا مقصد کاروباری طبقے کوں سہولتاں ڈیونڑ اے۔انہاں اے گالھ سنوار کوں پاکستان ریگولیٹری ماڈرنائزیشن انیشی ایٹیو“ بارے اجلاس نال خطاب کریندیں ہوئیں آکھی۔اجلاس اچ وزیراعظم دے مشیر محمد شہزاد ارباب، مشیر تجارت عبدالرزاق داو ¿د، مشیر خزانہ ڈاکٹر عبدالحفیظ، معاون خصوصی ڈاکٹر فردوس عاشق اعوان، معاون خصوصی یوسف بیگ مرزا، چیئرمین ایف بی آر شبر زیدی اتے ڈوجھے شریک ہن۔اجلاس اچ مشیر برائے اسٹیبلشمنٹ محمد شہزاد ارباب ولوںپی آر ایم آئی بارے تفصیلی بریفنگ ڈتی گئی ۔ایں دا مقصد کاروبار دے سلسلے اچ ضروری مرحلے جینویں ،رجسٹریشن،پرمٹ،اجازت نامے وغیرہ کوں سوکھا کرنڑ اے تانجو جتھاںمختلف اتے غیر ضڑوری عوام اتے اجازت نانواں کوں ختم کیتا ونج سگے ۔وزیراعظم اجلاس نال خطاب کریندیں ہوئیں آکھیا جو ریگولیشن دے عمل اچ چنگائی اتے اینکوں جدید طریقے تے گھن آونڑ دا مقصد کاروباری طبقے کوں سہولتاں ڈیونڑ اے،کئی اجازت نانواں دی شرط اتے ریگولیٹری مراحل پاروں جتھاں ہک پاسے کرپشن دا رستہ سدھا تھیندے اتھاں غیر ملکی سرمایہ کاری وی متاثر تھیندی اے۔
