اسلام آباد۔10مارچ (اے پی پی) الېكشن كمېشن د صدر مملكت منصب لپاره د آصف علي زرداري د كاميابۍ نوټيفكيشن جاري كړے دے۔ د اتوار په ورځ د ريټرننګ افسرانو لخوا د جاري كړې شوي فارم له مخې آصف علي زرداري قومي اسمبلۍ او سېنېټ څخه 255 ٬ پنجاب اسمبلۍ څخه 43 ٬ سندھ اسمبلۍ څخه 58، خېبر پښتونخوا اسمبلۍ څخه 8 او بلوچستان اسمبلۍ څخه 47 ووټونه ترلاسه كړل۔ د ده په مقابله كښې محمود خان اچكزئي قومی اسمبلۍ او سېنېټ څخه 119، پنجاب څخه 18، سندھ څخه 3، خېبر پښتونخوا څخه 41 ووټونه ترلاسه كړل او بلوچستان څخه يۍ كوم ووټ ترلاسه نه كړے شو۔ دغسې آصف علي زرداري په مجموعي توګه 411 ووټونه ترلاسه كولو سره كامياب وګرځولے شو۔ محمود خان اچكزئي 181 ووټونه ترلاسه كړل۔ ټول 1044 ووټونه وكارولې شول په كومو كښې چې 9 مسترد او 1035 درست شمېر كړې شول۔
