اسلام آباد 05 جنوري (اے پي پي) صدر ډاکټر عارف علوي د ګرد هېواد په سكولونو كښې خاص ماشومانو له جامع تعليم باوري كولو په ضرورت زور رواړولو سره وئيلي دي د جسماني صلاحيت، سماجي او اقتصادي پس منظر نه پرته ټولو كوچنيانو ته به د تعليم يو ډول موقعې وركول وي، نجي سکولونه، د خېرښګړې تنظيمونه دې معذوره ماشومانو پشمول ټولو له تعليم ته رسنه زياتولو له د حكومتونو ملګرتيا وكړي۔ د دې خيالاتو څرګندونه ده په ګورنر هاٶس كراچۍ كښې د نجي سكولونو او اېن جي اوز په انتظام كښې د سكولونو نمائندګانو سره ملاقات كښې كړې۔ په دې موقع د تعليم وفاقي نګران وزير مدد علي سندھي، د سندھ د تعليم نګرانه وزيره رانا حسېن، امپاورمنټ اف پرنسنز ود ډس اېبلټيز ادارې سېكتر٬ د اېجوكېشن اېنډ لټرېسي څانګې سېكتر او د كراچۍ د سكولونو نمائندګان هم موجود وو۔ په دې موقع د اړوندو چارو پشمول په بېلا بېلو چارو د خيالاتو څرګندونه وشوه۔ په دې موقع صدر ته خاص كسان اختيار منده جوړولو او په جامع تعليم بريفنګ وركړے شو
