اسلام آباد۔12جولائی (اے پی پی) وزیراعظم شهباز شريف وئيلي دي عمران نیازی پاكستان سره دښمني او د هېواد مخالفت پېل كړے دے٬ په بې ګناه فلسطيني وګړو د ظلم او زياتي كوؤنكي اسرائيل لخوا د پاكستان د داخلي چارو په اړه بيان ټول اولس غندلې دې ٬ د 9 مئي پېښه كه په اسرائيل كښې شوې وه نو د ذمه وارو په ضد به څومره تباهي شوې وه٬ د معاشي بحالۍ پروګرام به هېواد په خپلو پښو ودروي٬ آئي اېم اېف پروګرام به نن منظور كړے شي۔ د دې خيالاتو څرګندونه ده د شورؤ په ورځ د نائنتھ ایونیو- شاهین چوک فلائي اوور د بنياد تيګې اېښودو دستورې ته خطاب كښې وكړه۔ وزيراعظم ووئيل د اولسي خېر ښېګړې او پرمختګ يوې بلې منصوبې د بنياد تيګه كېښودلې شوه۔ په دې ټولو ته مباركي وركوم۔ ده ووئيل بهاره كھو فلائي اوور يو مهمه منصوبه ده۔ د دې مياشتې په پايه كښې به د دې عظيمې منصوبې پرانسته وشي۔ ده ووئيل آئي اېم اېف سره لوظنامه شوې ده۔ نن غونډه كېږي٬ كه پاك پروردګار ته منظور وي نو د پروګرام منظوري به وركړې شي۔ ده ووئيل زمونږ د حكومت په ختمېدو كښې يوه مياشت پاتې ده ٬ 16 مياشو كښې د كرپشن يو سكېنډل هم نه دے رامخے ته شوے۔ ده ووئيل پرون د اسرائيل لخوا چې كوم بيان راغلے دے ټول اولس د هغې غندنه كوي۔ په فلسطين كښې 75 كاله څخه د مسلمانانو وينه تويولې شي ٬ دغلته چې كوم ظلم روان تاريخ كښې يۍ مثال موندلې نه شي۔ دغه اسرائيل وائي پاكستان كښې ظلم او زياتې كېږي٬ ناانصافي كېږي ٬ اسرائيلي بايد خپل ګرېوان ته سر دننه كړي۔ كه د 9 مئي پېښه په اسرائيل كښې رامخې ته شوې وه نو د ذمه وارو په ضد به څومره كارروائي شوې وه۔ ده ووئيل اسرائيل خو د 6 جنوری 2021ء کېپټل هل پېښې په نتيجه كښې ذمه وارو ته د وركړې شويو سزاګانو په اړه هېڅ نه دي وئيلې۔ وزيراعظم ووئيل كه ماته راروانو 5 كلونو له د خذمت موقعه راكړې شوه نو د بې وزلۍ او بې روزګار ختمولو له به بشپړه هڅې وكړم۔ دغسې زده كړؤ او كركيلې ته به وده وركړې شي۔ كه اولس د بل كوم ګوند ټاكنه وكړه نو هغه به هم مونږ ته قبول وي او پارليمان كښې به خپل كردار ترسره كوؤ۔ وزیراعظم هدايت وكړو چې د شاهين چوك فلائي اوور منصوبه دې درې مياشتې كښې بشپړ كړې شي۔ دستورې ته داخله وزير رانا ثناﺀ الله ٬ د مسلم ليګ نون لارښود حنيف عباسي او د سي ډي اے چيئرمېن نور الامين مېنګل هم خطاب وكړو۔
