اسلام آباد 20 جون (اے پي پي)وزيراعظم شهباز شريف د ځوانانو په پوهه او صلاحيتونو د غېر متزلزل باور څرګندونه كولو سره وئېلي دي چې ځوانان د خپلو صلاحيتونو د لارې د هېواد د روښانه سباؤن لاره هوارولې شي ٬ د پاكستان له معاشي بحران څخه ويستلو لپاره ضروري ده چې داسې پروګرامونو ته وده وركړې شي چې مقصد يې په بېلو څانګو كښې انټرپرینیورشپ او انوويشن پراخا كول وي٬ د نهې په ورځ په خپل يو ټوېټ كښې ده ووئيل چې نېشنل انووېشن ايوارډ زمونږ د ځوانانو د تخليقي خيالاتو وړاندې كولو صلاحيت لا ځلوي كومو ته چې د فعاله پروژو شكل وركولې كېدې شي۔ په په 20 زره خواست كونكو كښې يوازې د 100 ذهين ځوانانو ترمينځه 16 كروړه روپۍ وېشلې شوي دي چې د وړاندې كړې شوې آئيډياز په غېر معمولي نوعيت انحصار لري۔وزيراعظم باور څرګند كړو چې پاكستان له معاشي بحران څخه ويستلو لپاره ضروري ده چې داسې ډول پروګرامونو ته وده وركړې شي چې مقصد يې په بېلو څانګو كښې انټرپرنيورشپ او انووېشن زياتول وي كوم چې زمونږ سماجي او اقتصادي پرمختګ لپاره مهم دي۔ شهباز شريف ووئيل چې د صلاحيت لرونكو ځوانانو په مهارت او صلاحيت غېر متزلزل باور لرم ٬ دوئي په لاره كښې رامخې ته كېدونكي ټول خنډان لرې كولو سره د هېواد د روښانه سباؤن لاره هوارولې شي۔ ده ووئيل خپلو ذهينو ځوانانو سره ملاوېدل راته تل خوشحالي راكوي۔
