اسلام آباد۔27دسمبر(اے پی پی) د اطلاعاتو او خپرونو وفاقي وزيرې مريم اورنګزېب پخوانۍ وزيراعظمې او د پاكستان پيپلز ګوند چيئرپرسن محترمې بنېظير بھټو ته د هغې د شهادت ورځې په موقعه د عقيدت پېرزوئنې وړاندې كولو سره وئيلي دي چې بېنظير بھټو شهيد د خپلې نامې په څير بېنظير وه٬ هغې په سختو حالاتو كښې هم د يوې مېړنۍ لور ٬ كورودانې او خور رشتې په ښه ډول او مړانه وپاللې٬ هغه په سياست كښې د تدبر ٬ مړانې او مبارزې روښانه علامت ده٬ تر وروستۍ سلګۍ يۍ د وفاق زنځير جوړېدو سره د پاكستان يو والي ٬ پرمختګ او سوكالۍ لپاره هڅې روانې وساتلې٬ د نهې په ورځ د بېنظير بھټو د شهادت ورځې په موقعه په خپل پېغام كښې دې ووئيل بېنظیر بھټو د مېرمنو سياسي كارمندانو لپاره د يو تحريك درجه لرله كومې چې ټول عمري د آمريت مقابله كړې وه۔ دې ووئيل محترمې بېنظير بھټو په خپل ذاتي ژوند كښې هم زياتو ستونزو سره مخ پاتې شوه خو دغې ستونزو د دې سياسي او جمهوري ستړې لا قوي كړې۔ دې ووئيل آئين ٬ پارلېمنټ ٬ جمهوريت٬ اولسي حقونو او سماجي خېر ښېګړې له د بنېظير بھټو شهيد ترسره كړي خذمات به تر ډېرې مودې ياد ساتلې شي۔ دې ووئيل د ارواښادې شهادت د پاكستان لويې زيان وو كوم چې اولس كله هم هېرولې نه شي۔ دې ووئيل په دې ننۍ ورځ پخواني صدر آصف علي زرداري ته هم د عقيدت پېرزوئنې وړاندې كوؤ كوم چې د”پاکستان کھپے“نعرہ لګولو سره د پاكستان يو والې لا مضبوط كړې وو۔ وفاقي وزيرې پخواني اولس مشر آصف علي زرداري ٬ بلاول ٬ بختاور او د آصفه بهټو په شمول ټولې كورنۍ سره خواخوږي څرګندولو سره دعا وكړه چې پاك پروردګار دې ارواښادې ته د خپل رحم په پلو كښې ځائې او غمجنې كورنۍ ته د صبر او زغم توفيق وركړي۔
