اسلام آباد۔25 نومبر(اے پی پی) بلوچستان څخه د قومي اسمبلۍ غړي هاشم خان نوتيزئي غوښتنه كړې ده چې د يخنۍ شدت نظر كښې نيولو سره دې سېلاب ځپليو ته كورونه جوړولو له د رقم وركولو عمل ګړندے كړے شي۔ د جمعې په ورځ په قومي اسمبلۍ كښې د اعتراض په نكته هاشم خان نوتيزئي ووئيل د سېلاب د لاسه په بلوچستان او سندھ كښې زيات زيان شوے دے ، 2 لكه كورونه ويجاړ شوي دي ٬ لائيو سټاك زيانمن شوے دے ، 22 سوه کلومیټره سړكونه وران شوي دي ٬ مونږ وزيراعظم سره د ځپليو سيمو دوره هم كړې دغسې چې د كرونده ګرو د زيان ازاله وكړې شي۔ ده وړاندېز وركړو چې د كرونده ګرو د برېښنا د يو كال بلونه دې معاف كړې شي۔ ده ووئيل يخني راغلې له دې كبله ځپليو ته دې كورونه جوړولو له د رقم وركولو عمل ګړندې كړې شي۔ دوهم سپيكر رولنګ وركړو چې سېلاب ځپليو سره اړوندې مسئلې دې په سمدستي توګه حل كړې شي
