اسلام آباد 08 جون (اے پي پي﴾ د كشمير او ګلګت بلتستان چارو وفاقي وزير علي امين خان ګنډا پور په شمالي وزيرستان كښې د ترهګرې په بريد كښې د پوځي افسرانو او ځوان په شهادت خواشيني ښودلې او وئيلي ئې دي چې د پاكستان وسله وال ځواكونه او امنيتي ادارې پاكه خاوره د ترهګرو او د شرخوښو نه پاكولو لپاره لازوال قربانې وركوي٬ او دوي ته چې څومره سلام وكړے شي كم دے۔ ده ووئيل چې د خنجراب نه تر ګوادر د پاكستان بچې بچې د هېواد د حفاظت په خاطر خپلو امنيتي ادارو سره ولاړ دے او د دښمن هر سازش به ناكامه كولې شي۔
