اسلام آباد 15 نومبر (اے پي پي) خارجه وزير شاه محمود قريشي د لوئې وچې افريقې سره د تجارتي٬ كمرشل او د سرمايه كارې اړيكو زياتولو لپاره د حكومتي وژن په ډاګه كولو سره وئيلي دي افريقائي هېوادونو سره په اړيكو كښې په تندې سره اضافه د حكومت د خارجه پالېسې مهمه برخه ده۔ ده دا خبرې د زيارت په ورځ په خارجه دفتر كښې د افريقائي ډلې د هائي كمشنرانو او سفيرانو شريكې غونډې په مهال په خپلو خبرو كښې وكړې۔ د خارجه دفتر وياند له مخې د سوئيلي افريقې٬ تيونس٬ كېنيا٬ الجېريا٬ صوماليه٬ سوډان٬ مراكش٬ ماريشېس٬ نائجېريا٬ مصر او د لېبيا سفيرانو او هائي كمشنرانو خارجه وزير سره په تفصيلي خبرو لپاره په موقع وركولو مننه وكړه۔ دوي ووئيل پاكستان د منطقې مهم هېواد دے۔ سفيرانو ووئيل د دوه اړخيزه اړيكو په تندې سره اضافې لپاره په اعلي كچې او د كاروباري پلاويو د تبادلې ضرورت دے۔ خارجه وزير ووئيل دوه اړخيزه اړيكې په تجارتي٬ اقتصادي او د سرمايه كارې په اړيكو بدلولو او په بېلا بېلو څانګو كښې مرستې زياتولو لپاره به هر ډول هڅې كولې ش
